ગાંધીનગરના છત્રાલમાં બનેલી એક દુઃખદ ઘટનામાં ચાર લોકોના મોત થયા છે. છત્રાલ GIDC (ગુજરાત ઔદ્યોગિક વિકાસ નિગમ) વસાહતમાં આવેલી ‘કોવિકા કલર્સ’ નામની કંપનીમાં અચાનક બોઈલર ફાટ્યું હતું, જેના કારણે આગ લાગી ગઈ હતી. આ વિસ્ફોટની ઝપેટમાં ચાર વ્યક્તિઓ આવી ગયા હતા અને બાદમાં ઈજાઓને કારણે તેમનું મૃત્યુ થયું હતું. આ માહિતી ગાંધીનગરના પોલીસ અધિક્ષક રવિ તેજા વસમસેટ્ટીએ આપી હતી.
પોલીસ અધિકારીએ જણાવ્યું કે, આ ઔદ્યોગિક દુર્ઘટના ‘કોવિકા ડાઈઝ એન્ડ ઈન્ટરમીડિયેટ્સ’ નામની કેમિકલ ફેક્ટરીમાં બની હતી, જ્યાં કાપડ ઉદ્યોગમાં વપરાતા રંગો (ટેક્સટાઈલ ડાઈઝ) બનાવવામાં આવે છે. ફેક્ટરીમાં રહેલું એક બોઈલર જોરદાર ધડાકા સાથે ફાટ્યું હતું, જેના પરિણામે તે સમયે ફરજ પર હાજર ચાર કર્મચારીઓના ઘટનાસ્થળે જ કરુણ મૃત્યુ થયા હતા.
Gujarat | 4 folks have been killed in a boiler explosion at Kovika Shade Firm in Chhatral GIDC, the place a fireplace broke out, Gandhinagar SP Ravi Teja Vasamsetty stated Additional particulars are awaited.
— ANI (@ANI) October 15, 2026
વિસ્ફોટથી સમગ્ર વિસ્તાર ધ્રૂજી ઉઠ્યો
પ્રાપ્ત અહેવાલો અનુસાર, કલોલ તાલુકામાં આવેલી આ ફેક્ટરીમાં થયેલો વિસ્ફોટ એટલો શક્તિશાળી હતો કે તેનાથી આસપાસનો સમગ્ર ઔદ્યોગિક વિસ્તાર ધ્રૂજી ઉઠ્યો હતો, જેના કારણે ભારે અફરાતફરી અને ગભરાટ ફેલાઈ ગયો હતો. ઘટનાની જાણ થતાં જ કલોલ પોલીસ, SDM કચેરી અને ફાયર વિભાગની ટીમો બચાવ અને રાહત કામગીરી માટે ઘટનાસ્થળે પહોંચી ગઈ હતી.
આ પણ વાંચો: ‘મને બાળકો જોઈએ છે પણ પત્ની નહીં’; લગ્ન અને બાળકોના પ્લાનિંગ પર સલમાન ખાનનો મોટો વિસ્ફોટ
પોલીસે દુર્ઘટના અંગે તપાસ શરૂ કરી
ઘટનાની ગંભીરતાને ધ્યાનમાં રાખીને કલોલના સ્થાનિક ધારાસભ્ય પણ પરિસ્થિતિનો તાગ મેળવવા માટે ઘટનાસ્થળે પહોંચ્યા હતા. વરિષ્ઠ અધિકારીઓએ આ દુર્ઘટનાના કારણો જાણવા માટે તપાસ શરૂ કરી છે. પોલીસ હાલ એ તપાસ કરી રહી છે કે આ ભયાનક વિસ્ફોટ કોઈ ટેકનિકલ ખામીને કારણે થયો છે, સુરક્ષા નિયમોના પાલનમાં બેદરકારીને કારણે થયો છે કે પછી તે કોઈ ઈરાદાપૂર્વકનું કૃત્ય છે.
