સુરત જિલ્લા સેવા સદનમાં આવેલી ફેમિલી કોર્ટમાં કોર્ટ કાર્યવાહી દરમિયાન એક હૃદયદ્રાવક ઘટના બની. વ્યવસાયે આયુર્વેદિક ડોક્ટર પતિએ કોર્ટરૂમની અંદર જ પોતાની પત્ની પર એસિડ એટેક કર્યો હતો. છેલ્લા આઠ વર્ષથી દંપતી વચ્ચે વિવાદ ચાલી રહ્યો હતો અને કોર્ટમાં ભરણપોષણના કેસની સુનાવણી ચાલી રહી હતી. 70 વર્ષીય વિનોદ ભાનુશાળીએ પોતાની પત્ની શારદાબેન પર એસિડ એટેક કર્યો અને ત્યારબાદ પોતે પણ ઝેર પી લીધું.
પહેલાં પણ કર્યો હતો પત્ની પર હુમલો
પ્રાપ્ત માહિતી અનુસાર, પતિ તેની પત્નીને ભરણપોષણ આપવા માંગતો નહોતો. આ અદાવતના કારણે તેણે આ ભયાનક કૃત્યને અંજામ આપ્યો. આ પહેલી વાર નથી જ્યારે વિનોદે તેની પત્નીને નુકસાન પહોંચાડવાનો પ્રયાસ કર્યો હોય. વિનોદે અગાઉ પણ તેની પત્ની પર છરી વડે હુમલો કરીને હત્યાનો પ્રયાસ કર્યો હતો અને આ હત્યાના પ્રયાસ અંગે પોલીસમાં કેસ નોંધાયેલો છે. આરોપીએ અગાઉ પણ આવા જ ગુના બદલ જેલની સજા પણ ભોગવી છે.
સુરતમાં ગેસના બાટલાની ચોરી, ઘરમાં રહેલ રોકડ, દાગીના અને LPG સિલિન્ડર ચોર ઉઠાવી ગયા
આ ઘટના બાદ કોર્ટ પરિસરમાં અફરાતફરી ફેલાઈ ગઈ હતી. પોલીસે પત્ની શારદાબેનને સારવાર માટે નજીકની ખાનગી હોસ્પિટલમાં દાખલ કરી છે, જ્યારે પતિ વિનોદ ભાનુશાળી હાલમાં સુરતની સરકારી હોસ્પિટલમાં સારવાર લઈ રહ્યો છે. 70 વર્ષીય વિનોદ ભાનુશાળી અને તેની પત્ની શારદાબેનને બે પુત્રીઓ છે, જે બંને પરિણીત છે.
ઉમરા પોલીસ સ્ટેશન ઇન્ચાર્જ જે.એ. રાઠવાએ જણાવ્યું હતું કે દંપતી ભરણપોષણ સંબંધિત કેસ સંદર્ભે કોર્ટમાં આવ્યા હતા. તેમણે ઉમેર્યું હતું કે આરોપીનો તેની 61 વર્ષીય પત્ની સાથે લાંબા સમયથી કેસ ચાલી રહ્યો છે. રાઠવાએ જણાવ્યું હતું કે, “આ ઘટના ફેમિલી કોર્ટના કોર્ટરૂમ નંબર 6 માં બની હતી. પતિ અને પત્ની 2017 થી અલગ રહેતા હતા.”
