જીવનશૈલી | જ્યારે પણ શરીરમાં અશક્તિ લાગે, પાચન સુધારવું હોય કે વજન ઘટાડવું હોય, ત્યારે મગ સૂપથી વધુ બેસ્ટ અને પૌષ્ટિક વિકલ્પ બીજો કોઈ નથી. આ ઉપરાંત પર્યુષણમાં પણ આ સૂપ ખાસ પીવામાં આવે છે, જે શરીરને એનર્જી આપે છે. પ્રોટીન, ફાઈબર અને ન્યૂટ્રિઅન્ટ્સથી ભરપૂર આ હળવો સૂપ બનાવવામાં એકદમ સરળ છે અને પેટ માટે ખૂબ જ ગુણકારી માનવામાં આવે છે.
બીમાર વ્યક્તિથી લઈને નાના બાળકો અને વડીલો સુધી સૌ કોઈ માટે આ મગનો વઘારેલો સૂપ ઉત્તમ આહાર છે. ટામેટાં અને હળવા વઘાર સાથે બનતો આ ગરમાગરમ સૂપ સ્વાદમાં પણ એકદમ ચટાકેદાર લાગે છે. અહીં જાણો પર્યુષણ સ્પેશિયલ હેલ્ધી અને ટેસ્ટી મગ સૂપ ઘરે બનાવવાની પરફેક્ટ રેસીપી
મગ સૂપ રેસીપી
સામગ્રી
- 1 કપ મગ
- 1/2 સમારેલા ટામેટા
- 1લીલું મરચું
- 1/4 ચમચી હળદર
- 1/2 ચમચી લાલ મરચું પાવડર
- સ્વાદ મુજબ મીઠું
વઘાર માટે સામગ્રી
- 1 ચમચી તેલ
- 1/2 ચમચી જીરું
- 4-5 મીઠા લીમડાના પાન
- 1 લીલું મરચું
મગ સૂપ બનાવવાની રીત
સૌ પ્રથમ પ્રેશર કૂકરમાં, મગમાં પાણી, સમારેલા ટામેટાં, લીલા મરચા, મીઠું અને હળદર ઉમેરો. મગને 5-6 સીટી સુધી પ્રેશર કુક કરો.
પર્યુષણ સ્પેશિયલ ટેસ્ટી રેસીપી, રસમ વડા આ ટિપ્સ ઝડપથી બનાવો
રાંધેલા મગને સ્મૂધ અને ક્રીમી થાય ત્યાં સુધી બ્લેન્ડ કરો. સુસંગતતા ગોઠવવા માટે ગરમ પાણી ઉમેરો.
વઘાર માટે, તેલમાં જીરું, મીઠા લીમડાના પાન અને લીલા મરચા ઉમેરો. તે ઉકળે પછી, તેને સૂપ પર રેડો. 3-4 મિનિટ માટે ઉકાળો, કોથમીરથી સજાવો અને ગરમા ગરમ પીરસો.
