Misal Pav Recipe : ભારતના ઘણા રાજ્યોમાં જોવા મળતી વાનગીનો સ્વાદ અને બનાવવાની પદ્ધતિ અલગ છે. દરેક રાજ્યમાં તમને કોઈને કોઇ એવી ફેમસ ડિશ, મીઠાઈ કે સ્ટ્રીટ ફૂડ તમને આસાનીથી મળી જશે. જેની સમગ્ર દેશમાં એક અલગ ઓળખ છે. ગુજરાતનો ઢોકળા હોય કે બિહારના લિટ્ટી ચોખા, ખાણીપીણીની ઓળખ અને સ્વાદ તે જગ્યા સાથે જોડાઈ જાય છે. આમાં મહારાષ્ટ્રના મિસળ પાવનો સમાવેશ થાય છે, જે એક પ્રખ્યાત સ્ટ્રીટ ફૂડ માનવામાં આવે છે.
મસાલેદાર અને તીખા સ્વાદથી ભરપૂર મિસળ પાવ નાસ્તામાં નાસ્તામાં ખાઇ શકાય છે. જો તમે મહારાષ્ટ્ર જઈ શકતા નથી તો તમે ઘરે પણ તેનો સ્વાદ ચાખી શકો છો. ઘરે મહારાષ્ટ્રીયન સ્ટાઇલ મિસળ પાવ બનાવવાની રીત જાણીએ.
મિસળ પાવ માટે સામગ્રી
- ફણગારેલા મઠ
- ડુંગળી – 2 ઝીણી સમારેલી
- ટામેટા – 2 ઝીણી સમારેલા
- આદુ-લસણની પેસ્ટ – 1 ચમચી
- લીલા મરચાં – 2 બારીક સમારેલા
- લાલ મરચું પાવડર – 1 ચમચી
- હળદર પાઉડર – 1 ચમચી
- ધાણા પાવડર – 1 ચમચી
- ગરમ મસાલા – 1/2 ચમચી
- જીરું – 1/2 ચમચી
- મીઠો લીમડો – 8-9
- તેલ – 2 ચમચી
- મીઠું – સ્વાદ મુજબ
- પાણી – જરુર પ્રમાણે
ટોપિંગ માટે સામગ્રી
- ઝીણી સમારેલી ડુંગળી
- કોથમીર
- લીંબુનો રસ
- ફરસાણ અથવા સેવ
- પાવ – 5-6
મિસળ પાવ બનાવવાની રીત
મહારાષ્ટ્રીયન સ્ટાઇલ મિસળ પાવ બનાવવા માટે પહેલા ફણગાવેલા મઠને સારી રીતે ધોઈ લો અને તેને કૂકરમાં મીઠું અને પાણી સાથે 2-3 સીટી સુધી ઉકાળો. હવે એક પેનમાં તેલ ગરમ કરો અને તેમાં રાઇ, જીરું અને મીઠો લીમડો ઉમેરો. આ પછી ઝીણી સમારેલી ડુંગળી ઉમેરો અને ગોલ્ડન થાય ત્યાં સુધી ફ્રાય કરો. આ પછી તેમાં આદુ-લસણની પેસ્ટ અને લીલા મરચાં ઉમેરો અને થોડા સમય સુધી રાંધી લો. હવે તેમાં ટામેટાં ઉમેરો અને નરમ થાય ત્યાં સુધી ફ્રાય કરો.
પાણી પીવા સંબંધિત 5 સામાન્ય ભૂલો, જે ખરાબ કરી શકે છે તમારું સ્વાસ્થ્ય, જાણો પાણી પીવાની સાચી રીત
હવે તેમાં હળદર, મરચું પાવડર, કોથમીર પાવડર, ગરમ મસાલો અને મીઠું ઉમેરો અને મસાલાને સારી રીતે ફ્રાય કરો. જ્યારે મસાલા તેલ છોડવાનું શરૂ કરે છે ત્યારે બાફેલા ફણગારેલા મઠ ઉમેરો અને તેને મિક્સ કરો. જરૂરિયાત મુજબ પાણી ઉમેરો અને તેને ધીમા તાપે લગભગ 15 મિનિટ સુધી પકવા દો. જ્યારે મિશ્રણ તૈયાર થઈ જાય ત્યારે તેને એક બાઉલમાં બહાર કાઢો. ઉપર સમારેલી ડુંગળી, કોથમીર, સેવ અને લીંબુનો રસ ઉમેરો
પાવમાં બટર લગાવીને હળવેથી શેકી લો અને ગરમ ગરમ પીરસો. સાંજના સમયે બાળકોથી લઈને પુખ્ત વયના લોકો સુધીની ભૂખ દૂર કરવા માટે આ એક ઉત્તમ અને સ્વાદિષ્ટ વાનગી સાબિત થઈ શકે છે.
