દિવાળીના દીવા માંથી સુશોભનની વસ્તુ બનાવવાની રીત

Diwali Diyas Reuse Concepts : દિવાળી પર ઘર દીવા, મીણબત્તી, લાઇટ અને અન્ય સુશોભન વસ્તુઓથી શણગારવામાં આવે છે. તેમાં માટીના દીવાનું વિશેષ મહત્વ હોય છે. જ્યારે મીણબત્તી, ઝુમ્મર જેવી રોશની ન હતી ત્યારે લોકો માટીના દીવાઓથી ઘરને પ્રકાશિત કરતા હતા. ઘરની છત, બાલ્કની, આંગણું, ઘરની સામે અને અન્ય ઘણી જગ્યાઓ પર માટીના દીવા પ્રગટાવવામાં આવે છે. આજે પણ લોકો માટીના દીવાઓનો ઉપયોગ કરે છે. પરંતુ દિવાળી પછી લોકો ઘણીવાર નકામા સમજીને માટીના દિવા ફેંકી દે છે.

જો કે દિવાળીના દીવાનો ફરીથી ઉપયોગ કરી શકાય છે. તેની મદદથી, તમે વિવિધ સુશોભન વસ્તુઓ બનાવી શકો છો. ચાલો જાણીએ દિવાળી પછી તમે આ દીવા માંથી શું બનાવી શકો છો.

ફ્લોટિંગ કેન્ડલ ગાર્ડન

જો તમારી પાસે ઘણા નાના માટીના દીવા બચ્યા છે, તો તમે તેમાંથી એક સુંદર ફ્લોટિંગ કેન્ડલ ગાર્ડન તૈયાર કરી શકો છો. તે સામાન્ય દીવા સજાવટથી થોડું અલગ અને ખૂબ જ આકર્ષક દેખાશે. તમે તેને લિવિંગ રૂમ, બાલ્કની અથવા ઘરની પૂજા સ્થળના મધ્ય ટેબલ પર મૂકી શકો છો. આ માટે, સૌ પ્રથમ, એક પહોળી પિત્તળ, કાચ અથવા માટીની થાળી લો. તેને સ્વચ્છ પાણીથી ભરો અને તેમાં ગુલાબની પાંખડીઓ, ગલગોટાના ફૂલો અને થોડા લીલા પાંદડા ઉમેરો. જૂના દીવાને સારી રીતે સાફ કરીને સૂકવી લો. દીવાના બહાર ભાગ પર સોનેરી, લાલ અથવા સફેદ રંગ કરો. નાના મોતીની લેસ કિનારી પર ચોંટાડી શકાય છે. આ પછી, દીવામાંમાં નાના ટી લાઇટ કેન્ડલ મૂકો અને તેને વચ્ચે અથવા પાણીના કિનારે સજાવટ કરો. આજુબાજુ થોડાક તાજા ફૂલો મૂકીને સજાવટ પૂર્ણ કરો.

વોલ હેંગિગ

તમે જૂના દીવા માંથી વોલ હેંગિગ તૈયાર કરી શકો છો. આ માટે 5 થી 7 જૂના માટીના દીવા લો અને તેને સારી રીતે સાફ કરો. હવે તેને વાદળી, પીળા, લીલ, મરૂન અને સોના જેવા જુદા જુદા કલરથી રંગી લો. દીવા પર નાના ફૂલો, પાંદડા, બિંદી અથવા પરંપરાગત ડિઝાઇન બનાવો. લાકડાની મજબૂત લાકડી અથવા ગોળાકાર લાકડાનો બેઝ લો. તે પછી મજબુત દોરા અથવા પાતળા દોરડાની મદદથી દીવાઓને જુદી જુદી લંબાઈમાં બાંધી લો. રંગીન મોતી, નાની ઘંટી, કોડી અને લટકણ લગાવો. ત્યારબાદ, બધા દોરાને લાકડાના બેઝ સાથે બાંધી દો. હવે આ વોલ હેંગિગને દીવાલ પર લટાવો.

મલ્ટીલેયર ડેકોરેટિવ સ્ટેન્ડ

જો તમે પરંપરાગત સજાવટ પસંદ કરો છો, તો તમે જૂના દીવાઓમાંથી મલ્ટિલેયર સ્ટેન્ડ બનાવી શકો છો. તેને સેન્ટર ટેબલ અથવા પૂજા રૂમમાં મૂકી શકાય છે. આ માટે 5-7 માટીના દીવા લો અને તેને સાફ કરીને સૂકવી લો. બધા દીવાઓને સોનેરી, સફેદ અથવા કોપર જેવા રંગમાં રંગો. હવે લાકડાનો મજબૂત ગોળ બેઝ લો. લાકડાના નાના સ્ટેન્ડ અથવા મજબૂત ધાતુની મદદથી દીવાઓને જુદી જુદી ઊંચાઈ પર મૂકો. દરેક દીવામાં રંગીન સ્ટોન, સૂકા ફૂલો અથવા નાના ડેકોરેટિવ મોતી મૂકો. તેની પર એક મોટો દીવો મૂકો.