Air Conditioner Suggestions : ઉનાળાની કાળઝાળ ગરમી શરુ થઇ ગઇ છે. આ ગરમીમાં એસીની ઠંડક રાહત આપે છે. પરંતુ ઘણા લોકો જાણતા નથી કે કેટલીક નાની ભૂલો એસીનું આયુષ્ય ઘટાડી શકે છે અને અચાનક જાળવણી ખર્ચ વધારી શકે છે. તમારા ઘરના AC ને લાંબા સમય સુધી સારું કેવી રીતે રાખવું તે વિશે અહીં જણાવી રહ્યા છીએ.
નિયમિત એસી સફાઈ અને ફિલ્ટર જાળવણી જરૂરી
જો તમે તમારા AC ફિલ્ટરને સાફ નહીં કરો, તો તેમાં ધૂળ અને ગંદકી જમા થઈ શકે છે અને AC ને નુકસાન પહોંચાડી શકે છે. તમારા AC નું આયુષ્ય વધારવા માટે દર 15-20 દિવસે ફિલ્ટર જાતે ધોઈ લો. આ માટે મિકેનિકને બોલાવવાની જરૂર નથી. એસીના ઇન્ડોર અને આઉટડોર બંને યુનિટ સાફ રાખો.
લાંબા સમય સુધી સતત AC ન ચલાવો
લાંબા સમય સુધી AC ચલાવવાથી કોમ્પ્રેસર પર વધુ પડતું દબાણ આવે છે. આનાથી AC નું આયુષ્ય ઓછું થાય છે. 4-5 કલાક પછી એસીને 15-20 મિનિટ માટે આરામ આપો. જો ઘર ઠંડુ હોય, તો પંખો ચાલુ કરો અને એસી બંધ કરો.
એસીનું નિયમિત ટ્યુન અપ કરાવો
ટ્યુન-અપ એટલે AC નું પ્રદર્શન, રેફ્રિજન્ટ લેવલ, કન્ડેન્સરની સફાઈ વગેરે તપાસવી. વર્ષમાં ઓછામાં ઓછા એક વખત તમારા AC મશીનને કોઈ વ્યાવસાયિક ટેકનિશિયન દ્વારા ટ્યુન-અપ કરાવો.
યોગ્ય એસી ટન અને મોડલ પસંદ કરો
AC નું આયુષ્ય મોટાભાગે તેના પર નિર્ભર કરે છે કે તમે તેને તમારા રૂમના કદ અનુસાર ખરીદો છો કે નહીં. નાના રૂમમાં 1 ટનનું એસી, મધ્યમ કદના રૂમમાં 1.5 ટન અને મોટા રૂમમાં 2 ટનનું એસી વાપરો. ઇન્વર્ટર એસી ઊર્જા બચાવે છે અને લાંબા સમય સુધી ચાલે છે.
એસીને સર્વિસની જરુર છે કે નહીં, ચલાવતા પહેલા આ 7 રીતથી જાણો
નિયમિત અંતરાલે AC ની સર્વિસ કરાવો
નાની સમસ્યાઓ મોટી થાય તે પહેલાં જ તેને ઉકેલી લો. નિયમિત AC સર્વિસ આંતરિક ભાગો સારી સ્થિતિમાં રાખે છે. આ ઉપરાંત તે કોઈપણ નાની સમસ્યાઓને વહેલા ઓળખવામાં પણ મદદ કરે છે. વર્ષમાં ઓછામાં ઓછા બે વાર તેની સર્વિસ કરાવો. ઉનાળાની શરૂઆતમાં અને અંતે AC ની સર્વિસ કરાવો.
જો ગેસ લીક થાય તો તેને તાત્કાલિક રિપેર કરો
જો ગેસ લીકેજ અથવા અન્ય કોઈ લીકેજ થાય છે તો AC ની ઠંડક ક્ષમતા ઘટી જાય છે અને તેનાથી કોમ્પ્રેસર પર વધારાનું દબાણ આવે છે. AC ની ઠંડક ઓછી થઈ ગઈ હોય, વિચિત્ર અવાજ આવતો હોય તો ગેસ લીકેજના સંકેત હોઇ શકે છે.
આઉટડોર યુનિટની આસપાસનો વિસ્તાર સ્વચ્છ રાખો
AC ના આઉટડોર યુનિટને ધૂળ અને ગરમીથી નુકસાન થઈ શકે છે. જેના કારણે હવાની અવરજવરમાં અવરોધ આવે છે, જેના કારણે ઠંડક પર અસર પડે છે. આઉટડોર યુનિટને ગંદકીથી દૂર રાખો. તેને એકદમ સ્વચ્છ રાખો. સનશેડ વડે તેને વધુ પડતા સૂર્યપ્રકાશથી બચાવો.
