મોગરાના છોડમાં નથી આવી રહી કળીયો, આ રીતે ઘરે બનાવો લિક્વિડ ફર્ટિલાઇઝર

Mogra Plant Care : એપાર્ટમેન્ટમાં રહેતા ઘણા લોકો તેમની બાલ્કનીમાં ગાર્ડનિંગ કરે છે, જેમાં વિવિધ પ્રકારના લીલાછમ છોડ, ફૂલો અને શાકભાજીથી રોપવામાં આવે છે. આ છોડ ઘરના વાતાવરણને ફ્રેશ રાખવામાં અને પ્રાકૃતિક લુક આપવામાં મદદ કરે છે. ઘણા લોકો મોગરાના છોડ રોપવાનું પણ પસંદ કરે છે. મોગરાની સુગંધિત મહેક તન-મનને તરત જ તાજગી આપવામાં મદદ કરે છે. 

મોગરાની મીઠી સુગંધ નર્વસ સિસ્ટમને શાંત કરે છે, ગહેરી અને સારી ઊંઘમાં મદદ કરે છે. પરંતુ કેટલીકવાર છોડ હર્યો ભર્યો રહ્યા પછી પણ તેમાં કળીયો આવતી નથી. આની પાછળ ઘણા કારણો હોઈ શકે છે અને દેખભાળની રીત ઉપર પણ ધ્યાન રાખવાની જરૂર પડી શકે છે.

જો તમારા મોગરાના છોડમાં ઘણા પાંદડા આવે છે પરંતુ ફૂલ આવી રહ્યા નથી તો હળવું લિક્વિડ ફર્ટિલાઇઝર મદદરૂપ થઈ શકે છે. આ પ્રવાહી ખાતરને તમે સરળતાથી ઘરે તૈયાર કરી શકો છો. તમે કેળાની છાલમાંથી પ્રવાહી ખાતર બનાવી શકો છો. કેળાની છાલમાંથી બનેલું પાણી પોટેશિયમ સહિત કેટલાક પોષક તત્વો પ્રદાન કરે છે. પોટેશિયમ છોડના સામાન્ય વિકાસ અને ફૂલોમાં મહત્વપૂર્ણ ભૂમિકા ભજવે છે. ઘરે ખાતર કેવી રીતે બનાવવું તે વિશે જાણીએ.

ખાતર કેવી રીતે તૈયાર કરવું

સૌ પ્રથમ કેળાની છાલને નાના ટુકડાઓમાં કાપી લો. તેમાં 1 લિટર પાણી (જરૂરિયાત મુજબ) નાખીને વાસણને ઢાંકી દો. આ મિશ્રણને લગભગ 24 કલાક સુધી છોડી દો. બીજા દિવસે પાણીને સારી રીતે ગાળી લો. ઉપયોગ કરતા પહેલા આ દ્રાવણને વધુ પાણીથી પાતળું કરો. તૈયાર કરેલા દ્રાવણનો લગભગ 1 ભાગ અને સાદું પાણી 2 ભાગ ઉમેરી શકાય છે. હવે તમે તેને સીધા છોડના મૂળની આસપાસની માટીમાં મૂકી શકો છો. 

જોકે આ પાણી દરરોજ ઉમેરવું જોઈએ નહીં. આ દ્રાવણ મોગરાને છોડને 15-20 દિવસમાં એક વાર આપી શકાય છે. વધારે માત્રામાં ખાતર આપવાથી છોડને ફાયદો થવાને બદલે નુકસાન થઈ શકે છે. જ્યારે માટી સૂકાઇ જાય ત્યારે જ પ્રવાહી ખાતર ઉમેરો.

તમારા બાળકોને વ્યસ્ત રાખવા માટે મોબાઇલ ફોન આપવાની જરૂર નહીં પડે, ઘરે બનાવો મજેદાર ગેમ

આ બાબતોને પણ ધ્યાનમાં રાખો

સૂર્યપ્રકાશ : મોગરાને સારી રોશની અને દરરોજ થોડા કલાકો સીધા સૂર્યપ્રકાશની જરૂર હોય છે. તેને છાંયડાવાળી જગ્યાએ મૂકવાથી છોડમાં પાંદડા તો આવી શકે છે પરંતુ ફૂલો ઓછા આવી શકે છે.

પાણી : વધુ પડતું પાણી પણ મોગરાના પ્લાન્ટને નુકસાન પહોંચાડી શકે છે. કુંડામાં પાણી જમા રહેવાથી મૂળને નુકસાન પહોંચાડી શકે છે. આ સાથે કુંડામાં ડ્રેનેજ માટે તળિયે છિદ્રો રાખવા ખૂબ જ જરૂરી છે.

કાપણી : કેટલીકવાર શુષ્ક, નબળી અને વધુ પડતી ગૂંચવાયેલી  ડાળીઓની કાપણી કરો. છોડના વિકાસને વ્યવસ્થિત રાખવામાં મદદ કરી શકે છે તેથી સમયાંતરે છોડને કાપતા રહો.