Masoor Dal Face Pack : તહેવારના અવસર પર મહિલાઓ ખાસ રીતે તૈયાર થાય છે. પરંતુ કેટલીકવાર ભાગદોડના કારણે ત્વચાની સંભાળ રાખવાનો સમય બચતો નથી. ધૂળ, માટી, પ્રદૂષણ અને સતત કામ કરવાથી ચહેરો થાકેલા અને નિર્જીવ દેખાવા લાગે છે. તહેવારના અવસર પર દરેક વ્યક્તિ ઈચ્છે છે કે તેમનો ચહેરો સ્વચ્છ અને ખીલતો રહે. જોકે દર વખતે પાર્લરમાં જઇને મોંઘા ફેશિયલ અથવા બ્યુટી ટ્રીટમેન્ટ કરાવવાની જરૂર નથી. કેટલાક ઘરેલું ઉપાય પણ છે, જેની મદદથી ત્વચાની કુદરતી કાળજી લઈ શકાય છે. મસૂરની દાળ પણ તેમાંથી એક છે.
મસૂર દાળ પીસીને તૈયાર કરવામાં આવેલી પેસ્ટ ત્વચાની ઉપરની સપાટી પર હાજર ગંદકી અને મૃત કોષોને દૂર કરવામાં મદદ કરી શકે છે. ફેસ પેકમાં કેટલીક કુદરતી વસ્તુઓ ઉમેરીને તૈયાર કરી શકાય છે. મસૂર દાળનો ફેસ પેક ઘરે કેવી રીતે બનાવવો અને લગાવવાની રીત જાણો.
ફેસ પેક બનાવવા માટેની સામગ્રી
- 2 મોટી ચમચી મસૂરની દાળ
- પાણી જરૂર મુજબ
બનાવવાની રીત
સૌ પ્રથમ બે ચમચી મસૂરની દાળને સારી રીતે સાફ કરો. હવે તેને પાણીના બાઉલમાં મૂકી આખી રાત પલાળી રાખો. સવારે દાળમાંથી વધારાનું પાણી કાઢી લો. આ પછી પલાળેલી અડદની દાળને મિક્સરમાં મૂકી ઝીણી પીસી લો. જરૂર જણાય તો તેમાં થોડું પાણી ઉમેરી જાડી અને નરમ પેસ્ટ તૈયાર કરો. પેસ્ટમાં બરછટ દાળના દાણા ન હોવા જોઈએ.
ચહેરા પર લગાવવાની રીત
સૌ પ્રથમ તમારા ચહેરાને હળવા ફેસ વોશથી ધોઈ લો. આ પછી તૈયાર થયેલ દાળની પેસ્ટને ચહેરા અને ગરદન પર સરખી રીતે લગાવો. ધ્યાન રાખો કે આંખો અને હોઠની આસપાસ લગાવવાનું ટાળવાનું છે. તેને ચહેરા પર લગભગ 10-15 મિનિટ માટે છોડી દો. આ પછી ચહેરાને સામાન્ય પાણીથી ધોઈ લો અને તેને ટુવાલથી સાફ કરો. છેલ્લે, તમારી ત્વચા અનુસાર મોઇશ્ચરાઇઝર લગાવો.
શિયાળામાં પીવો આ જ્યૂસ, શરીરમાં લોહી વધારશે, ત્વચા યુવા અને ચમકદાર બનશે
મસૂર દાળનો ફેસ પેક લગાવવાના ફાયદા
દાળની બારીક પેસ્ટ ત્વચાની ઉપરની સપાટી પર એકઠી થયેલી ગંદકી અને મૃત કોષોને દૂર કરવામાં મદદ કરી શકે છે. ચહેરો તાજગી અનુભવે છે. તે ત્વચાની ઉપરની સપાટીને સાફ કરવામાં પણ મદદ કરી શકે છે.
ડિસ્ક્લેમર : આ લેખ સાર્વજનિક જાણકારીના હેતુઓ માટે તૈયાર કરવામાં આવ્યો છે. ત્વચામાં કોઈ ફેરફાર કરતા પહેલા અથવા ઘરેલું ઉપચાર અજમાવતા પહેલા, એકવાર તમારા ડૉક્ટર અથવા નિષ્ણાતની સલાહ લો.
