દાડમનો રસ પીવાનો શ્રેષ્ઠ સમય કયો? ડાયાબિટીસ દર્દી એ કેવી રીતે સેવન કરવું જોઇએ? જાણો નિષ્ણાંત પાસેથી

Pomegranate Juice Drink Finest Time : દાડમ એક એવું ફળ છે જે માત્ર તેનો સુંદર દેખાવ જ નહીં પણ તેના સ્વાદ માટે પણ પ્રખ્યાત છે. દાડમ એક એવું ફળ છે જે લગભગ આખું વર્ષ જોવા મળે છે. લોકો તેને સીધી છાલ કાઢીને ખાવાનું તેમજ રસ બનાવીને પીવાનું પસંદ કરે છે. આયુર્વેદથી લઈને આધુનિક વિજ્ઞાન સુધી, તેને સુપરફૂડની શ્રેણીમાં મૂકવામાં આવ્યું છે. પોષણ અને ચયાપચય, સ્થૂળતા અને સ્વસ્થ પાચનના નિષ્ણાત રજિસ્ટર્ડ ડાયેટિશિયન Jonathan Purtell જણાવ્યું હતું કે, દાડમનો રસ પીવાનો યોગ્ય સમય તમારા સ્વાસ્થ્ય અને શરીરની જરૂરિયાતો પર નિર્ભર કરે છે. 

તાજેતરના વૈજ્ઞાનિક સંશોધન મુજબ, દાડમમાં જોવા મળતા શક્તિશાળી એન્ટીઓકિસડન્ટો અને પોલિફેનોલ્સ શરીરમાં બળતરા ઘટાડવામાં મદદ કરે છે. આ તત્વો ધમનીઓને સ્વસ્થ રાખવાની સાથે સાથે હૃદય અને મગજની કામગીરીમાં સુધારો કરવામાં મદદરૂપ માનવામાં આવે છે. નિષ્ણાતે કહ્યું કે દિવસભર સરળ પાચન અને ઊર્જા માટે તેને સવારે અથવા બપોરે પીવું વધુ સારું માનવામાં આવે છે.

ધ ટેલિગ્રાફના એક અહેવાલ મુજબ, દાડમ માત્ર તેના સ્વાદ અને રંગ માટે જ નહીં પરંતુ તેના ઔષધીય ગુણધર્મો માટે પણ જાણીતું છે. સંશોધન બતાવે છે કે તેનું નિયમિત સેવન હૃદયના સ્વાસ્થ્ય, મગજના કાર્ય અને ત્વચાને ફાયદો પહોંચાડી શકે છે. તે ચોક્કસ પ્રકારના કેન્સરના જોખમને ઘટાડવામાં પણ મદદરૂપ માનવામાં આવે છે. દાડમની ગણતરી વિશ્વના સૌથી પ્રાચીન ફળોમાં થાય છે. માનવામાં આવે છે કે તે ઇરાન પ્રદેશમાં ઉદ્ભવ્યું છે અને હજારો વર્ષોથી ખોરાક તેમજ પરંપરાગત દવા તરીકે ઉપયોગમાં લેવાય છે.

દાડમમાં હાજર પોષક તત્વોની વાત કરીએ તો, આ ફળ એન્ટીઓકિસડન્ટોથી ભરપૂર હોય છે, જો દરરોજ તેનું સેવન કરવામાં આવે તો બ્લડ પ્રેશર સામાન્ય રહે છે અને હૃદયની તંદુરસ્તી સુધરે છે. ચાલો જાણીએ કે દાડમનો રસ બીપી અને હૃદય માટે દવા તરીકે કેવી રીતે કામ કરે છે અને તેને પીવાનો યોગ્ય સમય કયો છે.

દાડમનો રસ હૃદય સ્વાસ્થ રાખવામાં કેવી રીત મદદ કરે છે?

દાડમનો રસ પીવો ત્યારે જ વધુ ફાયદાકારક છે જ્યારે તમે તેને સતત તમારા આહારનો એક ભાગ બનાવો છો. એલેન કહે છે કે ફાયદા જોવા માટે તેને નિયમિતપણે સેવન કરો. બ્લડ પ્રેશર પરના ફાયદા પર ધ્યાન આપતા અભ્યાસો દૈનિક સેવન પર ધ્યાન કેન્દ્રિત કરે છે, નહીં કે તે કયા સમયે લેવામાં આવે છે. એન્ટીઓકિસડન્ટથી ભરપૂર દાડમના રસમાં પોલીફેનોલ્સ હોય છે, જે રક્ત વાહિનીઓને સ્વસ્થ અને લવચીક રાખવામાં મદદ કરે છે.

દાડમ શરીરમાં નાઇટ્રિક ઓક્સાઇડ બનાવવા અને તેનો ઉપયોગ કરવામાં પણ મદદ કરે છે. તે એક તત્વ છે જે રક્ત વાહિનીઓને આરામ આપે છે. દરરોજ દાડમનો રસ પીવાથી રક્ત વાહિનીઓ લવચીક, શાંત અને સરળ રહે છે, જે બીપીને સામાન્ય બનાવે છે. ઘણા સંશોધનોમાં સાબિત થયું છે કે દરરોજ દાડમના રસનું સેવન કરવાથી ખરાબ કોલેસ્ટ્રોલ નિયંત્રણ રહે છે, જે હૃદયને સ્વસ્થ રાખવા માટે જરૂરી છે.

દાડમનો રસ પીવાનો શ્રેષ્ઠ સમય કયો છે?

યુએસએફ કોલેજ ઓફ પબ્લિક હેલ્થના એસોસિએટ પ્રોફેસર અને પોષણ કાર્યક્રમોના ડિરેક્ટર લૌરી રાઇટના જણાવ્યા અનુસાર, હૃદયના સ્વાસ્થ્ય માટે દાડમનો રસ પીવા માટે કોઈ એક યોગ્ય સમય નથી. સૌથી અગત્યની વાત એ છે કે તમે તેનું નિયમિત સેવન કરો. નિષ્ણાતે જણાવ્યું હતું કે દાડમમાં હાજર પોલિફેનોલ્સ ધીમે ધીમે રક્ત વાહિનીઓની કાર્યક્ષમતામાં સુધારો કરે છે અને ઓક્સિડેટીવ તણાવ ઘટાડે છે.

દાડમનો રસ પીવો ક્યારે યોગ્ય છે?

જે લોકોનું પેટ સંવેદનશીલ હોય અથવા એસિડિટીની સમસ્યા હોય તેમના માટે સવારે અથવા બપોરે પીવું ફાયદાકારક છે, તે પાચનમાં મદદ કરે છે. સવારે દાડમનો રસ પીવાથી આખો દિવસ શરીરને ઉર્જા મળે છે.

દાડમનો રસ ક્યારે ન પીવો જોઈએ?

Natalie Allenના જણાવ્યા અનુસાર, જો તમને એસિડ રિફ્લક્સ અથવા હાર્ટબર્નની સમસ્યા હોય તો રાત્રે સૂતા પહેલા દાડમ જેવા સાઇટ્રસ જ્યુસ પીવાથી સમસ્યા વધી શકે છે. જો તમને ડાયાબિટીસ અથવા ઇન્સ્યુલિન રેઝિસ્ટન્ટ છે, તો ખાલી પેટે દાડમનો રસ પીવો, ખાસ કરીને સવારે સૌથી પહેલા દાડમનો રસ પીવાથી બ્લડ શુગર લેવલમાં ઝડપથી વધારો થઈ શકે છે. આ કિસ્સામાં, તેને ભોજન અથવા પ્રોટીનથી ભરપૂર નાસ્તા સાથે લેવું વધુ સારું રહેશે.

આ ઉપરાંત, દાડમનો રસ ચોક્કસ બ્લડ પ્રેશર, સ્ટેટિન્સ અથવા લોહી પાતળી કરતી દવાઓ સાથે પણ પ્રતિક્રિયા આપી શકે છે. તેથી, જે લોકો આવી દવાઓ લે છે તેઓએ તેને રોજિંદા આહારમાં ઉમેરતા પહેલા ડોક્ટરની સલાહ લેવી જોઈએ. એકંદરે, તેને પીવા માટે કોઈ ખોટો સમય નથી. ફક્ત એવો સમય પસંદ કરો જે તમારા પાચન અને બ્લડ શુગર લેવલ કન્ટ્રોલ કરવા  માટે યોગ્ય લાગે.

દરરોજ કેટલા દાડમનો રસ પીવો જોઈએ?

મોટાભાગના ક્લિનિકલ અભ્યાસોમાં બ્લડ પ્રેશર અને બ્લડ વેસલ્સના ફાયદા માટે દરરોજ 4 – 8 ઔંસ એટલે કે અડધા થી એક કપ દાડમનો રસ પીવો જોઇએ. તેમા ખાંડ કે મીઠાઇ માટે કોઇ અન્ય ચીજ ઉમેરવી નહીં. આખી બોટલ પીવાની જરૂર નથી, દરરોજ એક નાનો ગ્લાસ પૂરતો છે. નિષ્ણાંતોએ જણાવ્યું હતું કે જ્યારે તમે તંદુરસ્ત જીવનશૈલી સાથે દાડમનો રસ પીવો છો ત્યારે તેની સૌથી વધુ અસર જોવા મળે છે. એલને કહ્યું કે દાડમના દાણા પણ તેમના રસ જેટલા અસરકારક સાબિત થાય છે.

આ પણ વાંચો | નાસ્તા માટે ઓછા તેલમાં બનાવો આ 3 વાનગી, ઓછા સમયમાં બની જશે

Disclaimer: આ માહિતી માત્ર સામાન્ય જાગૃતિ અને શૈક્ષણિક હેતુ માટે છે. કોઈપણ સ્વાસ્થ્ય સમસ્યા, દવા, ડાયાબિટીસ, બ્લડ પ્રેશર અથવા અન્ય તબીબી સ્થિતિ માટે તમારા આહારમાં દાડમનો રસ ઉમેરતા પહેલા ડૉક્ટર અથવા લાયક આરોગ્ય નિષ્ણાતની સલાહ લો. તબીબી સારવારના વિકલ્પ તરીકે કોઈપણ ઘરેલું ઉપચાર અથવા આહારને ધ્યાનમાં લેશો નહીં.