How one can Clear Tiffin Lid Rubber : ઓફિસ અથવા શાળામાં લઈ જવામાં આવતા ઘણા ટિફિન બોક્સના ઢાંકણમાં રબર લાગેલી હોય છે જેથી તે યોગ્ય રીતે બંધ થાય. મોટાભાગના લોકો ફક્ત ટિફિન બોક્સના બહારના, અંદરના અને ઢાંકણને સારી રીતે સાફ કરે છે, પરંતુ ઢાંકણમાં રહેલા રબર સીલ પર વધુ ધ્યાન આપતા નથી. આ રબર ટિફિનને એરટાઇટ રાખવામાં મદદ કરે છે. પરંતુ સમય જતાં ખોરાક, તેલ, ભેજ અને અન્ય વસ્તુઓના નાના કણો તેની અંદર એકઠા થવા લાગે છે.
સમય જતાં રબરની અંદર ફંગશ જામવા લાગે છે અને કાળા પડી જાય છે. આ સાથે તેમાં દુર્ગંધ પણ આવવા લાગે છે. જો તમે લાંબા સમય સુધી સાફ ન કરો છો તો બેક્ટેરિયા અને અન્ય સુક્ષ્મસજીવો પણ વધી શકે છે, જે આપણા સ્વાસ્થ્ય પર ખૂબ જ ખરાબ અસર કરે છે. જોકે કેટલીક રીતો છે જેની મદદથી તમે આ રબર સીલને સરળતાથી સાફ કરી શકો છો. ચાલો જાણીએ.
રબર સીલને કેવી રીતે કાઢવી
જો તમારા ટિફિનના ઢાંકણનું રબર સીલ સરળતાથી નીકળી જાય છે તો તે ઠીક છે નહીં તો તેને ચમચી અથવા હળવા તીક્ષ્ણ વસ્તુની મદદથી દૂર કરો. સહેજ કાળજીપૂર્વક દૂર કરો કારણ કે રબર કપાઇ શકે છે અથવા તૂટી શકે છે. હવે તેને નવશેકા પાણીમાં થોડી લિક્વિડ ડિશવોશ સાથે મિક્સ કરી 15-20 મિનિટ સુધી પલાળી રાખો. આ એકઠી થયેલી ગંદકી અને ચીકાશને નરમ બનાવે છે, જે પછી સરળતાથી તેની ગંદકી સાફ થઇ શકે છે.
ટૂથબ્રશથી સાફ કરો
પલાળ્યા બાદ જૂના ટૂથબ્રશની મદદથી હળવા હાથથી રબરની બધી કિનારીઓ અને ખાંચો સાફ કરી લો. ખાસ કરીને જ્યાં ગંદકી અટવાઈ ગઈ હોય તેને સારી રીતે સાફ કરો.
લિવિંગ રુમથી બાલ્કની સુધી, નાની જગ્યામાં આવા હિંચકા લગાવો
દુર્ગંધ દૂર કરો
જો રબરમાંથી ખરાબ દુર્ગંધ આવે છે અથવા કાળા ડાઘ દેખાય છે તો તમે બેકિંગ સોડા અને સફેદ સિરકોનો ઉપયોગ કરી શકો છો. આ માટે રબર પર થોડો બેકિંગ સોડા લગાવી તેની પર સિરકોના થોડા ટીપાં નાખો. થોડી મિનિટો પછી બ્રશથી સાફ કરો અને તેને પાણીથી ધોઈ લો. આ દુર્ગંધ અને હઠીલા ડાઘ બંનેને દૂર કરે છે. સફાઈ કર્યા પછી રબર અને ઢાંકણ બંનેને સારી રીતે સૂકવવા દો. જો ભેજ રહે તો દુર્ગંધની સમસ્યા ફરી આવી શકે છે. રબર સંપૂર્ણપણે સૂકાઈ જાય પછી જ તેને ફરી લગાવો.
