સામાન્ય યુઝરને શું ફાયદો થશે? જો તમારી બ્લડ ટેસ્ટ રિપોર્ટ આવી છે, તો ચેટજીપીટી તેને સરળ ભાષામાં સમજાવી શકે છે. ડૉક્ટર પાસે જતા પહેલાં કયા પ્રશ્નો પૂછવા જોઈએ, તે પણ બતાવી શકે છે. જો તમે દવાઓ, એલર્જી કે કોઈ બીમારીની માહિતી ઉમેરો છો, તો તે મુજબ જ સલાહ આપશે. ઊંઘ, વર્કઆઉટ અને એક્ટિવિટીનો ડેટા જોઈને તમારી હેલ્થ રૂટિનને સુધારવામાં મદદ કરશે. દર વખતે મેડિકલ રિપોર્ટ કે હેલ્થ રેકોર્ડ ફરીથી અપલોડ કરવાની જરૂર રહેશે નહીં. જો તમે કોઈ રેસ્ટોરન્ટ કે ડાયેટ વિશે પૂછશો, તો તે તમારી ફૂડ એલર્જી કે ડાયેટ નિયંત્રણોને ધ્યાનમાં રાખીને જવાબ આપશે. કોઈ નવી લેબ રિપોર્ટની જૂની રિપોર્ટ સાથે સરખામણી પણ કરી શકશે અને જણાવશે કે શું ફેરફાર આવ્યો છે.
