Ai+ NOVA 2 POWER 5G launched in india : Ai+ એ ભારતીય બજારમાં પોતાનો નવો સ્માર્ટફોન Ai+ Nova 2 Energy 5G લોન્ચ કર્યો છે. કંપનીએ તેને ખાસ કરીને એવા ગ્રાહકો માટે ડિઝાઇન કર્યો છે જેઓ બજેટમાં 5G ફોન ઇચ્છે છે, જેમાં મોટી બેટરી અને સ્ટાઇલિશ લુક સાથે આવે છે. ફોનની શરૂઆતની કિંમત 15,999 રુપિયા છે. ફોનમાં 7000mAh બેટરી અને 48-મેગાપિક્સલનો મુખ્ય રિયર કેમેરા છે. કંપનીએ તેને પાંચ કલર્સમાં લોન્ચ કર્યો છે. ફોનની કિંમત, સેલ અને ફિચર્સ વિશે જાણીએ
Ai+ Nova 2 Energy 5G કિંમત
ભારતમાં ફોનની શરૂઆતની કિંમત 15,999 રુપિયા છે. ફ્લિપકાર્ટ લિસ્ટિંગ અનુસાર ફોનના 6GB+128GB વેરિઅન્ટની કિંમત 16,999 રુપિયા છે અને 8GB+128GB વેરિઅન્ટની કિંમત 17,999 રુપિયા છે. આ ફોનની પ્રથમ સેલ 24 સપ્ટેમ્બરના રોજ બપોરે 12 વાગ્યે શરૂ થશે અને તે ફ્લિપકાર્ટ પર ખરીદી માટે ઉપલબ્ધ થશે. કંપનીએ તેને પાંચ કલરમાં લોન્ચ કર્યો છે. જેમાં ડીપ પર્પલ, બ્લુ ફ્યુઝન, ગોલ્ડન બ્લુ ફ્યુઝન, મિડનાઈટ બ્લેક અને ઓશન ગ્રીન સામેલ છે. કંપનીએ જણાવ્યું કે આ ફોન બોક્સમાં ચાર્જિંગ એડોપ્ટર, USB ટાઇપ-સી કેબલ, સિમ ઇજેક્ટર ટૂલ અને એક ટ્રાન્સપરેટ પ્રોટેક્ટિવ કેસ સાથે આવે છે.
Ai+ Nova 2 Energy 5G ફિચર્સ
ફોનમાં 120Hz રિફ્રેશ રેટ સાથે 6.75-ઇંચ HD+ IPS ડિસ્પ્લે છે. ડિસ્પ્લેના મધ્યમાં પંચ-હોલ કેમેરા કટઆઉટ છે, જેમાં સેલ્ફી કેમેરા છે. ફોનના ચારેય કિનારા ગોળ છે. ફોન બેક પેનલ પર મધ્યમાં Ai+ લોગો લાગેલો છે. પાવર બટન જમણી બાજુએ છે, જેને લાલ રંગથી હાઇલાઇટ કરવામાં આવ્યા છે, તેની ઉપર વોલ્યુમ રોકર્સ આપવામાં આવ્યા છે. ફોન મીડિયાટેક ડાયમેન્સિટી 7100 5G ચિપસેટ દ્વારા સંચાલિત છે. આ ફોન કંપનીના nxtQ OS પર ચાલે છે, જે Android 16 પર બેસ્ડ છે.
મર્ચન્ટ ગ્રાહકો પાસેથી UPI ચાર્જ ન વસૂલે, સરકાર 15 ઓક્ટોબરથી દરરોજ નજર રાખશે
7000mAh લિથિયમ-પોલિમર બેટરી
ફોનમાં બે મોટા કેમેરા રિંગ અને LED ફ્લેશ સાથે ચોરસ કેમેરા મોડ્યુલ છે. ફોટોગ્રાફી માટે ફોનમાં 48-મેગાપિક્સલનો Sony IMX582 મુખ્ય રિયર કેમેરા સેન્સર છે, સાથે 8-મેગાપિક્સલનો અલ્ટ્રા-વાઇડ કેમેરા છે. સેલ્ફી અને વિડિયો કોલિંગ માટે 13-મેગાપિક્સલનો કેમેરા છે. ફોનમાં 33W ફાસ્ટ ચાર્જિંગ સપોર્ટ સાથે 7000mAh લિથિયમ-પોલિમર બેટરી છે. કંપનીનો દાવો છે કે એક વખત ફુલ ચાર્જ પર આખો દિવસ ચાલી શકે છે.
