Summer time fitness center Ideas: દેશમાં ઉનાળો શરૂ થઈ ગયો છે. આ સિઝનમાં અન્ય ઋતુઓની સરખામણીએ ઘણી સાવધાની રાખવી પડે છે. ગરમીની ઋતુ વજન ઘટાડવા માટે એકદમ પરફેક્ટ માનવામાં આવે છે. આ સિઝનમાં ઘણા લોકો જીમમાં જાય છે, તો કેટલાક લોકો યોગ પણ કરે છે.
જો ગરમીની ઋતુમાં થોડી બેદરકારી દાખવવામાં આવે તો કસરત કરતી વખતે ઘણી સમસ્યાઓ આવી શકે છે. આવી સ્થિતિમાં અમે આ અહીં કેટલીક ટિપ્સ લઇને આવ્યા છીએ, જેને તમે સરળતાથી ફોલો કરીને ઉનાળાની સિઝનમાં પણ જીમ કરી શકો છો.
જીમમાં જવાનો સમય નક્કી કરો
ઉનાળાની ઋતુમાં જિમ કરવાનો સમય ખૂબ જ મહત્વપૂર્ણ છે. આ ઋતુમાં સવારથી મોડી સાંજ સુધી તડકો રહે છે. આવી સ્થિતિમાં તમે વહેલી સવારે જીમમાં જાઓ. જ્યારે તાપમાન ઓછું હોય અને થોડી ઠંડક હોય ત્યારે સમય પસંદ કરો. સાંજે જીમમાં પણ જઈ શકો છો, પરંતુ ધ્યાન રાખો કે તડકો વધારે ન હોય. બપોરે જીમ કરવું હાનિકારક બની શકે છે.
જીમમાં જતા પહેલા ધ્યાનમાં રાખવા જેવી બાબતો
જો તમે ગરમીની સિઝનમાં જીમ કરવા જઈ રહ્યા છો તો સૌથી પહેલા તો પૂરતું પાણી પીવો. જીમમાં વધુ પડતો પરસેવો પાડતી કસરતો ઓછી કરો. આ ઋતુમાં જો તમે કોઇ એક્સરસાઇઝ કરો તો સૌથી પહેલાં ઓછા વજનથી શરૂઆત કરો અને ધીમે-ધીમે વજન વધારો.
જીમ કરતી વખતે હાઇડ્રેશનનું ધ્યાન રાખો
- તમારે હળવા અને શ્વાસ લેવા યોગ્ય કપડાં પહેરીને જીમમાં જવું જોઈએ.
- જો શક્ય હોય તો એવા જીમમાં જાઓ જેમાં એસી અથવા સારું વેન્ટિલેશન હોય.
- જીમની શરૂઆતમાં વોર્મ-અપ અને કૂલ-ડાઉન કરવાનું સુનિશ્ચિત કરો
- જો તમને વર્કઆઉટ કરતી વખતે માથાનો દુખાવો, વધુ પડતો પરસેવો કે નબળાઇ અનુભવાતી હોય તો તરત જ એક્સરસાઇઝ બંધ કરી દો અને ઠંડી જગ્યાએ જાવ.
શું તમને વારંવાર ઉલટી કે ઉબકા આવી રહ્યા છે? દાદી-નાનીના આ દેશી નુસખાથી રાહત થશે
વર્કઆઉટ પહેલા અને પછી શું ખાવું જોઈએ?
જો તમે વર્કઆઉટ કરવા જઇ રહ્યા છો તો લીંબુનું શરબત, નારિયેળ પાણી કે અન્ય કોઇ જ્યૂસ પીવા જોઇએ. આ શરીરને હાઇડ્રેટેડ રાખવામાં મદદ કરશે. વર્કઆઉટ પછી તમારા આહારને હળવો રાખો. જોકે જીમ કર્યાના અડધા કલાકમાં જ કંઇક ખાઇ લો.
