How To Maintain Recent Bhindi In Fridge For Lengthy Time : શાકભાજીને લાંબા સમય સુધી તાજી રાખવાની સૌથી મોટી સમસ્યા વરસાદની ઋતુમાં હોય છે. આ ઋતુમાં હવામાં ભેજનું પ્રમાણ વધારે હોય છે, જેના કારણે ઘણી શાકભાજી ઝડપથી બગડવાની સંભાવના રહે છે અને તેના પર ફુગ પણ લાગી શકે છે. જો યોગ્ય રીતે સ્ટોર કરવામાં ન આવે તો, તેની તાજગી અને સ્વાદ બંનેને ખરાબ થઈ શકે છે.
ભીંડા પણ એક એવી શાકભાજી છે, જે થોડી બેદરકારીથી ઝડપથી નરમ થવા લાગે છે, કાળી થઈ જાય છે અથવા સડવા લાગે છે. તેથી, તેને લાંબા સમય સુધી તાજી રાખવા માટે તેને યોગ્ય રીતે સ્ટોર કરવી ખૂબ જ મહત્વપૂર્ણ છે. ચાલો જાણીએ કે ભીંડાને લાંબા સમય સુધી તાજા રાખવા માટે તેને કેવી રીતે સ્ટોર કરવા જોઇએ.
1 પ્રથમ રસ્તો
ઘણા લોકો એવા હોય છે જે ધોયા પછી ભીંડા રેફ્રિજરેટરમાં સ્ટોર કરે છે, પરંતુ આ ભૂલ તેને ઝડપથી બગાડી શકે છે. જો ભીંડા પર ભેજ રહે તો રેફ્રિજરેટરમાં પણ તે ઝડપથી બગડવા લાગશે. ભીંડાને ધોયા વિના રેફ્રિજરેટરમાં મૂકી દો અને જ્યારે તેનું શાક બનાવવું હોય ત્યારે તેને ચોખ્ખા પાણીથી ધોઈ લો.
2 પેપર નેકપીન
ભીંડા લાંબા સમય સુધી તાજા રાખવા માટે પેપર નેપકીન અથવા સુતરાઉ કાપડનો ઉપયોગ કરી શકાય છે. તેમા લપેટવાથી વધારાનો ભેજ શોષાઇ જાય છે અને ભીંડા લાંબા સમય સુધી તાજા રહે છે.
3 એરટાઇટ કન્ટેનરમાં મૂકો
ઘણી વખત ભીંડા સંપૂર્ણપણે બંધ એરટાઇટ કન્ટેનરમાં રાખવામાં આવે છે. આને કારણે કન્ટેનરની અંદર ભેજ જમા થઈ શકે છે, જેના કારણે ઝડપથી બગડે છે. આ કિસ્સામાં, ભીંડા છિદ્રો, જાળીદારી થેલી અથવા સહેજ ખુલ્લા કન્ટેનર કે પ્લાસ્ટિકની થેલીમાં સ્ટોર કરવા જોઈએ, જેથી હવાની અવરજવર થાય.
4 ખરાબ ભીંડા અલગ કરો
જો ભીંડા પર કાળા ડાઘ, ચીકાશ અથવા ફુગ દેખાય છે, તો તરત જ તેને બાકીના ભીંડાથી અલગ કરો. બગડેલા ભીંડા ઝડપથી બધી શાકભાજીને બગાડી શકે છે. આથી બગડેલા ભીંડાને અલગ કાઢી ફેંકી દો. સારા ભીંડાને યોગ્ય રીત સ્ટોર કરો.
આ પણ વાંચો | ચોમાસામાં કરિયાણું ખરીદવાની ટીપ્સ; જાણો કઇ 5 વસ્તુ સ્ટોર કરવી અને કઇ ટાળવી
5 ભીંડા ફ્રિજમાં અહીં મૂકો
ફ્રિજના શાકભાજીના ડ્રોઅરમાં એટલે કે ક્રિસ્પરમાં ભીંડા સ્ટોર કરવાની ભલામણ કરવામાં આવે છે. આ ભાગ શાકભાજી માટે યોગ્ય તાપમાન અને ભેજ જાળવે છે, ભીંડાને લાંબા સમય સુધી તાજા રાખે છે.
