Greatest Wholesome Sugar Choices : ખાંડના ભાવમાં વધારો ચર્ચાનો વિષય બન્યો છે. ભારતીય બજારોમાં ખાંડના ભાવ ઐતિહાસિક ઉંચી સપાટીને સ્પર્શી રહ્યા છે. ખાંડ ભારતીય ઘરોમાં દરરોજ ઉપયોગમાં લેવાતી એક ખાદ્ય ચીજ છે. તેનો ઉપયોગ ચા બનાવવાથી લઈને મીઠાઇ સુધી દરેક વાનગીમાં થાય છે. જો કે, રિફાઇન્ડ ખાંડનું વધુ પડતું સેવન સ્વાસ્થ્ય માટે હાનિકારક હોઈ શકે છે, જેના કારણે ડોકટરો અને આરોગ્ય નિષ્ણાતો ખાંડનું સેવન કરવાની મનાઇ કરે છે.
તેમા મુખ્યત્વે કેલરી હોય છે અને પોષણ બહુ ઓછું હોય છે. વધુ પડતી ખાંડનું સેવન શરીરનું વજન વધવું, દાંતમાં પોલાણ અને બ્લડ સુગર લેવલમાં વધારો જેવી સમસ્યાઓનું જોખમ વધારી શકે છે. આવી સ્થિતિમાં, સવાલ એ ઉભો થાય છે કે ખાંડના બદલે આહારમાં કઇ વસ્તુ સામેલ કરવી જોઇએ,જે તેની ભરપાઈ પણ કરે છે અને સ્વાસ્થ્ય માટે પણ ફાયદાકારક હોય. હકીકતમાં, આ વસ્તુઓ તમારી આસપાસ ઉપલબ્ધ છે, જેને ખાંડને બદલે આહારમાં સામેલ કરી શકો છો. ચાલો જાણીએ:
1 ખજૂર
જો તમે તમારા આહારમાંથી ખાંડને બદલે કોઈ અન્ય મીઠી ખાદ્ય વસ્તુનો સમાવેશ કરવા માંગો છો, તો ખજૂર એક સારો વિકલ્પ સાબિત થઈ શકે છે. તેમાં કુદરતી મીઠાશની સાથે સાથે ફાઇબર અને અન્ય ઘણા આવશ્યક પોષક તત્વો હોય છે, જે સ્વાસ્થ્ય માટે ફાયદાકારક છે. તમે દૂધ, સ્મૂધી અથવા મીઠાઈઓમાં ખાંડના વિકલ્પ તરીકે ખજૂરનો ઉપયોગ કરી શકો છો.
2 ગોળ
ગોળ બજારમાં સરળતાથી મળી જાય છે. ખાંડને બદલે ગોળનો ઉપયોગ કરી શકો છો. ગોળનો ઉપયોગ ચા બનાવવાથી લઈને મીઠાઈઓ સુધીની દરેક બાબતમાં થઈ શકે છે અને તે સ્વાસ્થ્ય માટે પણ ફાયદાકારક માનવામાં આવે છે. તેમાં આયર્ન, પોટેશિયમ અને મેગ્નેશિયમ જેવા આવશ્યક પોષક તત્વો હોય છે. જો કે, તેનું પણ મર્યાદિત પ્રમાણમાં સેવન કરવું જોઈએ.
3 મધ
તમે તમારા રોજિંદા જીવનમાં ખાંડને બદલે મધનો પણ સમાવેશ કરી શકો છો. તેમાં કુદરતી મીઠાશની સાથે કેટલાક એન્ટીઓક્સિડન્ટ્સ પણ હોય છે, જે સ્વાસ્થ્ય માટે ફાયદાકારક છે. તમે દૂધ, દહીં અથવા અન્ય પીણાંમાં ખાંડને બદલે મધનો ઉપયોગ કરી શકો છો. જો કે, તેનો ઉપયોગ મર્યાદિત માત્રામાં પણ થવો જોઈએ.
4 કિસમિસ
કિસમિસમાં કુદરતી મીઠાશ હોય છે. મીઠી વાનગી બનાવવામાં ખાંડને બદલે કિસમિસનો ઉપયોગ કરી શકો છો. તેને પીસીને પેસ્ટ બનાવી શકાય છે. હોમમેઇડ ડેઝર્ટમાં ઓટ્સ, દહીં અને કિસમિસ તેમની મીઠાશમાં ઉમેરી શકાય છે.
આ પણ વાંચો | બહાર જમતી વખતે તુકારામ મુંઢેની આ 4 સલાહ ધ્યાનમાં રાખવી, ભળેસેળ અને દૂષિક ખોરાકથી બચાવશે
5 સ્ટીવિયા
તમે ખાંડને બદલે સ્ટીવિયાનો ઉપયોગ પણ કરી શકો છો. તે સ્ટીવિયા રેબાડિયાના નામના છોડના પાંદડામાંથી મેળવવામાં આવે છે. તે એક કુદરતી લોગ કેલરી સ્વીટનર છે. તે ખાંડ કરતા વધુ મીઠું છે, તેથી તેનો ઉપયોગ મર્યાદિત કરવો જોઈએ. તમે ખાંડના બદલામાં તેનો ઉપયોગ ચા, કોફી અને અન્ય પીણાંમાં કરી શકો છો.
