ભારત અને ઝિમ્બાબ્વે વચ્ચે 23 જુલાઈથી શરૂ થનારી T20 શ્રેણી ટીમ ઈન્ડિયા સાથે વૈભવ સૂર્યવંશી માટે પણ મહત્વપૂર્ણ છે. આંતરરાષ્ટ્રીય ક્રિકેટમાં ડેબ્યૂ બાદ હવે 15 વર્ષીય સ્ટાર યુવા બેટ્સમેન વૈભવ સૂર્યવંશી શાનદાર વાપસી કરવા આતુર છે.
ઈંગ્લેન્ડ સામેની T20 શ્રેણીમાં વૈભવને તક મળી હતી, પરંતુ તે પોતાની ઓળખ મુજબનું પ્રદર્શન કરી શક્યો નહોતો. તેણે ત્રણ મેચમાં માત્ર 14, 13 અને 15 રનની ઇનિંગ રમી હતી.
હવે વૈભવ હરારેના મેદાન પર પાછો ફર્યો છે, જે તેની કારકિર્દી માટે ખાસ સ્થાન ધરાવે છે. આ જ મેદાન પર તેણે અંડર-19 વર્લ્ડ કપ ફાઇનલમાં શાનદાર 175 રનની ઐતિહાસિક ઇનિંગ રમી હતી.
તે ઇનિંગમાં વૈભવે માત્ર 80 બોલમાં 175 રન બનાવ્યા હતા, જેમાં 15 છગ્ગા અને 15 ચોગ્ગા સામેલ હતા. આ પ્રદર્શનથી તેણે પોતાની આક્રમક બેટિંગની ઝલક દુનિયાને બતાવી હતી.
હવે ઝિમ્બાબ્વે સામે વૈભવ ફરી એકવાર હરારેમાં પોતાની પ્રતિભા સાબિત કરવા માગશે. યુવા ખેલાડી માટે આ શ્રેણી આંતરરાષ્ટ્રીય કારકિર્દીને નવી દિશા આપવાની મોટી તક બની શકે છે. (PC:PTI/X)
