ભારત અને વેસ્ટ ઈન્ડિઝ વચ્ચે પહેલી T20 મેચમાં ભારતે ટોસ જીતીને પહેલા બોલિંગ કરવાનો નિણર્ય લીધો હતો.
ટોસ બાદ જ્યારે ભારતીય કેપ્ટન શ્રેયસ અય્યરે પ્લેઈંગ ઈલેવનની જાહેરાત કરી ત્યારે વૈભવ સૂર્યવંશીનું નામ તેમાં નહોતું.
15 વર્ષીય વૈભવ સૂર્યવંશી એશિયન ગેમ્સની સેમિફાઈનલ અને ફાઈનલ રમી ચૂક્યો હતો, જોકે, ભારત પરત ફર્યા બાદ તેને પ્લેઈંગ ઈલેવનમાંથી બહાર કરી દેવામાં આવ્યો હતો.
ભારતીય ટીમે વૈભવ સૂર્યવંશીને બહાર કરીને નમન ધીરને પ્લેઈંગ ઈલેવનમાં તક આપી હતી.
અર્શદીપ સિંહ પણ ટીમમાં પાછો ફર્યો હતો અને ફાસ્ટ બોલર મયંક યાદવને પણ પ્લેઈંગ ઈલેવનમાં સામેલ કરવામાં આવ્યો હતો.
વૈભવ સૂર્યવંશીને બહાર કર્યા બાદ અનેક ફેન્સના મનમાં સવાલ આવ્યો હશે કે તેને બહાર કેમ કરવામાં આવ્યો. તે તેનો જવાબ છે ટીમ કોમ્બિનેશન.
જાપાનમાં, ટીમ ઈન્ડિયાએ એક વધારાનો બેટ્સમેન અને એક સ્પિન ઓલરાઉન્ડર મેદાનમાં ઉતાર્યો હતો કારણ કે ત્યાંની પિચો સ્પિનરોને અનુકૂળ હતી.
જોકે, લખનૌમાં પરિસ્થિતિ અલગ છે, તેથી વૈભવને બેન્ચ પર રાખવામાં આવ્યો હતો, અને અભિષેક અને સંજુ સેમસનને ઓપનિંગ ડ્યુટી સોંપવામાં આવી હતી.
નમન ધીરને તક આપવામાં આવી હતી કારણ કે તે એક સારો બેટ્સમેન અને સક્ષમ ઓફ-સ્પિનર બંને છે. તેણે તાજેતરની ODI શ્રેણીમાં પોતાની બોલિંગથી બધાને પ્રભાવિત કર્યા હતા. (PC:PTI/X/BCCI)
