Yami Gautam Himachal Pradesh Home : અભિનેત્રી યામી ગૌતમ અને આદિત્ય ધર આજકાલ ચર્ચામાં છે. એવું માનવામાં આવતું હતું કે બંને મુંબઈ છોડીને હિમાચલ પ્રદેશ શિફ્ટ થવાના છે. યામીએ હંમેશાં ગર્વથી તેના હિમાચલી મૂળ પ્રત્યેના પ્રેમનો દાવો કર્યો છે. બાળપણમાં તે ગરમીના વેકેશનમાં શિમલામાં નાનીના ઘરે વિતાવતી હતી. આવી સ્થિતિમાં જ્યારે એવું કહેવામાં આવ્યું હતું કે યામી અને તેના પતિ આદિત્ય ધરે પોતાનો કાયમી બેઝ મુંબઇથી હિમાચલ પ્રદેશ શિફ્ટ કરી દીધો છે ત્યારે ચાહકોને ખાસ આશ્ચર્ય થયું ન હતું. જોકે આદિત્યની ટીમે બાદમાં સ્પષ્ટતા કરી હતી કે આવું નથી.
યામી-આદિત્ય શિફ્ટ થઇ રહ્યા નથી
આ અફવાઓ પર પ્રતિક્રિયા આપતા આદિત્ય ધરની ટીમે સ્ક્રીન પર કહ્યું કે ના, તમને આ સમાચાર કોણ મોકલી રહ્યું છે?’ યામી અને આદિત્ય મુંબઈ છોડીને હિમાચલ જવાની અફવાઓએ પ્રશંસકોના મનમાં ભારે રસ જગાવ્યો છે કે યામીના પહાડો વાળા મકાનમાં એવું શું ખાસ છે કે તે ત્યાં સ્થાયી થવા માંગે છે? ચાલો અમે તમને જણાવીએ.
યામીનું ઘર અંદરથી કેવું છે?
યામી પાસે મંડીના ગોહરમાં 25 એકરમાં ફેલાયેલું 100 વર્ષ જૂનું હેરિટેજ ઘર છે. લાકડા અને પથ્થરથી બનેલી આ પ્રોપર્ટી ઓર્ગેનિક કિચન ગાર્ડનથી ઘેરાયેલી છે. કહેવાય છે કે અભિનેત્રી અહીં સફરજન, બટાકા, પ્લમ અને આદુ ઉગાડે છે. યામી અને આદિત્યએ જૂન 2021 માં હિમાચલમાં આ જ પ્રોપર્ટીમાં લગ્ન કર્યા હતા. આવી સ્થિતિમાં તે તેમના અંગત જીવનનો એક મહત્વપૂર્ણ ભાગ બની ગયો છે.
ફાઇનાન્સિયલ એક્સપ્રેસના એક રિપોર્ટ અનુસાર યામી ગૌતમના આ હેરિટેજ હોમની કિંમત લગભગ 8 કરોડ રૂપિયા છે. ઇટાઇમ્સના જણાવ્યા અનુસાર આ હેરિટેજ પ્રોપર્ટી 2016 માં વેચાણ માટે આવી હતી. તેના અગાઉના માલિકો શરૂઆતમાં તેને બીજા ખરીદદારને વેચવાનું વિચારી રહ્યા હતા. જોકે આખરે તેમણે યામી ગૌતમની પસંદગી કરી હતી. યામીની પસંદગી પાછળનું કારણ મકાનમાલિકને એ વાત પર વિશ્વાસ હતો કે તે તેમના પૈતૃક ઘરની જાળવણી કરશે અને તેની સંભાળ રાખશે.
પ્રકૃતિની વચ્ચે ખુશહાલ જીવન
યામી માટે આ મિલકત ખરીદવી તેના રોકાણની સંભાવના કરતાં એક ઇમોશનલ કનેક્શનથી પ્રેરિત હતું. યામીનો ઉછેર ચંદીગઢમાં થયો હતો. તેણે ઉનાળાનું વેકેશન શિમલામાં તેની નાનીના ઘરે વિતાવ્યું હતું. એ જ રીતે હિમાચલ પ્રદેશ સાથે તેમનો લગાવ બાળપણથી જ રહ્યો હતો.
યામી અવારનવાર તેમના હિમાચલ વાળા ઘરની અને ખેતરની ઝલક સોશિયલ મીડિયા પર શેર કરે છે. આ મિલકત તેમને મોટા શહેરોના જીવનમાંથી બ્રેક આપે છે. આ સિવાય પ્રકૃતિની નજીક સમય વિતાવવાની તક પણ મળે છે. તેણે વેલેનેસ ડ્રિંક્સનો આનંદ લેતા વીડિયો પણ શેર કર્યો છે, જેમાં હળદરનું પાણી પણ સામેલ છે.
‘તમે કોને પાગલ બનાવી રહ્યા છો’, ગોવિંદા સાથે કોમલ રાનીની માંગમાં સિંદૂર જોઇને દિવ્યા ખોસલાએ સવાલ ઉઠાવ્યા
ફાઇનાન્સિયલ એક્સપ્રેસના એક અહેવાલ અનુસાર આ ઘર પરંપરાગત હિમાચલી આર્કિટેક્ચરને ફોલો કરે છે. તેમાં પથ્થર અને લાકડાનો ઘણો ઉપયોગ કરવામાં આવ્યો છે. તેમાં ઢોળાવવાળી છત અને ઊંડી બારીઓ છે.
જૂના લાકડાના બીમ એ ઘરની સૌથી આકર્ષક ખાસિયતોમાંથી એક છે. કુદરતી શેડ્સ અને શાનદાર લાકડાની ડિટેલિંગ પ્રોપર્ટી ગામઠી અને ઘરેલું લુકઆપે છે. એસ્ટેટમાં એક વિશાળ હરિયાળો વિસ્તાર પણ સામેલ છે. ઇટાઇમ્સના રિપોર્ટ અનુસાર યામીએ પ્રોપર્ટી પર ગ્રીનહાઉસ અને ઓર્ગેનિક ગાર્ડન બનાવ્યું છે. તે એસ્ટેટમાં પ્લમ અને લીંબુ સહિતના ફળો ઉગાડે છે.
