ભારતમાં લોકોની ઓરલ હેલ્થ ઝડપથી બગડી રહી છે અને તેની અસર પીળા દાંત અને પેઢાના રૂપમાં સૌથી વધુ દેખાય છે. ઓરલ હેલ્થ બગડવા માટે ઘણા કારણો જવાબદાર હોઈ શકે છે જેમ કે ખરાબ ખાનપાનની ટેવ, વધુ પડતી ચા, કોફી, તમાકુ, પાન-મસાલા અને કોલ્ડ ડ્રિંકનું સેવન કરવાથી દાંત પીળા અને નબળા પડે છે.
ઓરલ હાઇજીનની ઉણપ જેમ કે દિવસમાં ફક્ત એક જ વાર બ્રશ કરવું, દાંતો પર પ્લાન્ક અને ટાર્ટર જમા કરે છે. શરીરમાં કેલ્શિયમ અને વિટામિન્સનો અભાવ પણ દાંત પણ અસર કરે છે. તણાવ અને નબળી જીવનશૈલી દાંત અને પેઢાને નુકસાન પહોંચાડે છે. પ્લાન્ક અને બેક્ટેરિયા પણ દાંતને પીળાશ આપે છે અને ઓરલ હેલ્થને નુકસાન પહોંચાડે છે. આ પ્લાન્ક અને બેક્ટેરિયા ધીમે ધીમે દાંતની સતહને પીળા કરી દે છે.
વર્ધન આયુર્વેદિક અને હર્બલ મેડિસિનના સ્થાપક સુભાષ ગોયલે જણાવ્યું હતું કે જો તમે ઇચ્છો છો કે તમારા દાંત 100 વર્ષ સુધી મજબૂત રહે, તો તમારે ઘરે હર્બલ મંજન બનાવવું જોઈએ અને તેનાથી તમારા દાંત સાફ કરવા જોઈએ. તમે ઘરે સરળતાથી આયુર્વેદિક ટૂથપેસ્ટ બનાવી શકો છો અને તમારા ઓરલ હેલ્થમાં સુધારો કરી શકો છો.
આ ટૂથપેસ્ટ બનાવવા માટે તમે ત્રિફળા પાવડર, હળદર અને સરસવના તેલમાંથી ટૂથપેસ્ટ તૈયાર કરી શકો છો જે તમારા દાંતને 100 વર્ષ સુધી મજબૂત બનાવશે. આ કોમ્બિનેશન નેચરલ ટૂથપેસ્ટની જેમ કામ કરે છે. દાંતના પીળા પડવાને દૂર કરે છે, શ્વાસની દુર્ગંધ દૂર કરે છે. પેઢાને સ્વસ્થ અને મજબૂત બનાવે છે. આ ત્રણ વસ્તુઓ કેવી રીતે દાંત સફેદ કરે છે અને પેઢાને મજબૂત બનાવે છે અને તેને ઘરે કેવી રીતે તૈયાર કરવી ચાલો જાણીએ.
ત્રિફળા પાઉડર
ત્રિફળામાં આમળા, હરળ અને બહેડા હોય છે જે કુદરતી એન્ટીઓકિસડન્ટો છે. તે દાંત પર એકઠા થયેલા પ્લાન્ક અને ટાર્ટરને દૂર કરવામાં મદદ કરે છે. મોઢાના બેક્ટેરિયાને નિયંત્રિત કરીને પોલાણ અને શ્વાસની દુર્ગંધ સામે રક્ષણ આપે છે. નિયમિત ઉપયોગ દાંતની સફેદતા અને પેઢાની મજબૂતી જાળવી રાખે છે.
હળદર
હળદરમાં રહેલા કર્ક્યુમિનમાં શક્તિશાળી એન્ટિબેક્ટેરિયલ અને એન્ટી ઇંફ્લેમેટરી ગુણ હોય છે જે પેઢાની બળતરા, રક્તસ્રાવ અને પાયોરિયા જેવી સમસ્યાઓને ઘટાડે છે. હળદર દાંત પર જમા થયેલ પીળાશને ઘટાડે છે અને તેમને કુદરતી રીતે ચમકદાર બનાવે છે.
એલોવેરા અને રીઠાથી વાળની સફાઇ કરો, આ રીતે ઘરે શેમ્પૂ બનાવો
સરસવનું તેલ
સરસવના તેલમાં એન્ટિમાઇક્રોબાયલ ગુણ હોય છે, જે દાંત અને પેઢાને ચેપથી બચાવે છે. તે પેઢાને મસાજ કરીને રક્ત પરિભ્રમણમાં સુધારો કરે છે, જે પેઢાને મજબૂત બનાવે છે. હળદર અને ત્રિફળાની સાથે મળીને તે દાંતને પોલિશ કરે છે અને તેમને સફેદ બનાવવામાં મદદ કરે છે.
ઘરે મંજન બનાવવાની રીત
આ મંજન બનાવવા માટે, એક ચમચી ત્રિફળા પાવડર લો અને તેમાં એક ચપટી હળદર ઉમેરો અને તેમાં એક ચમચી સરસવનું તેલ ઉમેરો અને ત્રણેય વસ્તુઓને સારી રીતે મિક્સ કરો, તમારી લિક્વેડ પેસ્ટ તૈયાર થઈ જશે. તમે આ પેસ્ટને તમારી આંગળી વડે દાંત પર ઘસી શકો છો અથવા તમે તેને બ્રશ પર લગાવીને દાંત પણ સાફ કરી શકો છો.
(ડિસ્ક્લેમર: અહીં આવેલી વિગતો એકત્ર કરેલી માહિતીને આધારે રજૂ કરવામાં આવી છે. ઉપયોગ કરતાં પૂર્વે તબીબી સલાહ આવશ્યક છે.)
