કેન્દ્રીય રેલવે મંત્રી અશ્વિની વૈષ્ણવે રવિવારે ભારતની પ્રથમ બુલેટ ટ્રેનની એક ઝલક રજૂ કરી. તેમણે તેમના ‘X’ એકાઉન્ટ પર એક પોસ્ટમાં લખ્યું, “શું તમે તૈયાર છો? ભારતની પ્રથમ બુલેટ ટ્રેનનું નિર્માણ.” વૈષ્ણવના જણાવ્યા અનુસાર, આવતા વર્ષના મે કે જૂન મહિના સુધીમાં બુલેટ ટ્રેન ટેસ્ટિંગ માટે પાટા પર આવી જશે. એકવાર આ સેવા કાર્યરત થઈ જાય પછી વડોદરાથી મુંબઈની મુસાફરી માત્ર 90 મિનિટમાં પૂર્ણ થશે. બેંગલુરુમાં ‘નમો ફોર વિકસિત ભારત’ કાર્યક્રમમાં બોલતા અશ્વિની વૈષ્ણવે જણાવ્યું હતું કે 2 થી 4 મહિનાના પરીક્ષણ બાદ પ્રધાનમંત્રી નરેન્દ્ર મોદી દેશની પ્રથમ બુલેટ ટ્રેનનું ઉદ્ઘાટન કરશે.
વડોદરાથી મુંબઈની મુસાફરી માત્ર 1.5 કલાકમાં પૂર્ણ થશે
અશ્વિની વૈષ્ણવે કહ્યું, “ભારતમાં બની રહેલી આ બુલેટ ટ્રેન જે પ્રધાનમંત્રી મોદીના ‘આત્મનિર્ભર ભારત’ના વિઝનથી પ્રેરિત છે તેનો પ્રથમ બોડી ફ્રેમ ગઈકાલ પહેલા જ પૂર્ણ થયો છે, અને હવે તેને ‘સ્ક્વીઝ ટેસ્ટ’ માટે મોકલવામાં આવ્યો છે. આવતા વર્ષના મે કે જૂન સુધીમાં ભારતની પોતાની બુલેટ ટ્રેન પરીક્ષણ માટે પાટા પર હશે. 2-4 મહિનાના પરીક્ષણ પછી પ્રધાનમંત્રી પોતે આ ટ્રેનનું ઉદ્ઘાટન કરશે. જ્યારે તમે વડોદરાથી આ બુલેટ ટ્રેનમાં મુસાફરી કરશો ત્યારે તમે માત્ર દોઢ કલાકમાં મુંબઈ પહોંચી જશો.”
🚅 Are you prepared? Making of Bharat’s first Bullet Prepare! #Bharat_BulletTrain https://t.co/c4X0jEvusM
— Ashwini Vaishnaw (@AshwiniVaishnaw) November 1, 2026
આવતા વર્ષે સુરત અને બિલીમોરા વચ્ચે બુલેટ ટ્રેનનો પ્રથમ વિભાગ શરૂ કરવાનું લક્ષ્ય
અગાઉ રેલવે મંત્રીએ ઉલ્લેખ કર્યો હતો કે આવતા વર્ષે સુરત અને બિલીમોરા વચ્ચે બુલેટ ટ્રેનનો પ્રથમ વિભાગ શરૂ કરવાનું લક્ષ્ય છે, જ્યારે સમગ્ર રૂટ પરનું કામ અપેક્ષા કરતા પણ વધુ ઝડપથી આગળ વધી રહ્યું છે. મુંબઈ-અમદાવાદ હાઈ-સ્પીડ રેલ (MAHSR) કોરિડોર એ ભારતના સૌથી મહત્વપૂર્ણ માળખાકીય પ્રોજેક્ટ્સમાંનો એક છે, જે દેશમાં હાઈ-સ્પીડ રેલ મુસાફરીના નવા યુગની શરૂઆત કરશે.
Flip up the Quantity! 🚅 Bharat’s Bullet Prepare is taking form. #Bharat_BulletTrain https://t.co/Ez9FBcKYkb
— Ashwini Vaishnaw (@AshwiniVaishnaw) November 1, 2026
આ પણ વાંચો: ગાંધીના ગુજરાતમાં દારૂની રેલમછેલ! રાજકોટમાં હાઈપ્રોફાઈલ દારૂ પાર્ટીમાં 43 પુરુષ અને 33 મહિલાઓ ઝડપાઈ
પ્રધાનમંત્રી મોદીએ ‘નોર્ધન બુલેટ ટ્રેન કોરિડોર’ને મંજૂરી આપી
પ્રધાનમંત્રી નરેન્દ્ર મોદીએ ‘નોર્ધન બુલેટ ટ્રેન કોરિડોર’ (ઉત્તરીય બુલેટ ટ્રેન કોરિડોર) માટે મંજૂરી આપી દીધી છે. આનાથી ઉત્તર પ્રદેશમાં પ્રથમ હાઈ-સ્પીડ રેલ સેવા શરૂ થવાનો માર્ગ મોકળો થયો છે, જેનાથી દિલ્હી અને વારાણસી વચ્ચેનો મુસાફરીનો સમય ઘટીને માત્ર 3.5 કલાક થઈ શકે છે. આ પ્રસ્તાવિત હાઈ-સ્પીડ રેલ જોડાણથી આ માર્ગ પર મુસાફરીના સમયમાં નોંધપાત્ર ઘટાડો થવાની અપેક્ષા છે. હાલમાં પરંપરાગત ટ્રેનો દ્વારા આ મુસાફરીમાં ઘણા કલાકો લાગે છે.
