જીવનશૈલી | જો તમે વજન ઘટાડવા માંગો છો અથવા તો કોઈ હેલ્ધી અને પ્રોટીનથી ભરપૂર નાસ્તાની શોધમાં છો, તો આ હાઈ પ્રોટીન મખાના ટિક્કી તમારા માટે એક બેસ્ટ ઓપ્શન છે! મખાના, સત્તુ અને પનીર જેવા પૌષ્ટિક તત્ત્વોથી બનેલી આ ટિક્કી ખાવામાં ખૂબ જ ટેસ્ટી અને બનાવવામાં અત્યંત સરળ છે.
આ મિનિમલ તેલમાં તૈયાર થતો નાસ્તો સાંજના ક્રેવિંગ્સ માટે અથવા ફિટનેસ ફ્રીક્સ માટે એક પરફેક્ટ ડાયેટ સ્નેક છે. અહીં જાણો આ પૌષ્ટિક અને સ્વાદિષ્ટ મખાના ટિક્કી બનાવવાની રીત!
હાઈ પ્રોટીન મખાના ટિક્કી રેસીપી
સામગ્રી
1 કપ શેકેલા મખાના પાવડર
1 કપ સત્તુ આતા
1/2 કપ સમારેલી ડુંગળી
1/4 કપ બાફેલા લીલા વટાણા
1/2 કપ છીણેલું ગાજર
2 સમારેલા લીલા મરચા
70 ગ્રામ છીણેલું પનીર
સ્વાદ પ્રમાણે મીઠું
1/2 ચમચી જીરું પાવડર
1/2 ચમચી કાળું મીઠું
કોથમીર
પાણી (જો જરૂરી હોય તો)
1 ચમચી તેલ
હાઈ પ્રોટીન મખાના ટિક્કી બનાવવાની રીત
મખાનાને એક કઢાઈમાં ડ્રાય રોસ્ટ કરી લો. ઠંડા થાય એટલે મિક્સર જારમાં પીસીને તેનો ઝીણો પાવડર બનાવી લો.
એક મોટા બાઉલમાં મખાના પાવડર, સત્તુનો લોટ, છીણેલું પનીર, બારીક સમારેલી ડુંગળી, બાફેલા લીલા વટાણા, છીણેલું ગાજર, લીલા મરચાં અને લીલી કોથમીર લો.
હવે તેમાં સ્વાદ પ્રમાણે મીઠું, જીરું પાવડર અને કાળું મીઠું ઉમેરી બધી સામગ્રીને બરાબર મિક્સ કરી લો.
બધી સામગ્રી હાથ વડે મસળીને ટિક્કી બાઇન્ડ થઈ શકે તેવો લોટ તૈયાર કરો. જો મિશ્રણ સુકું લાગે તો જ 2 ચમચી પાણી ઉમેરો.
પ્રોટીનથી ભરપૂર આ રેસીપી બ્લડ સુગર પર કરશે કંટ્રોલ, ઝટપટ નોંધી લો રેસીપી
મિશ્રણમાંથી નાના નાના ગોળા બનાવી હાથ વડે ચપટા કરીને ટિક્કીનો આકાર આપો. એક નોન સ્ટિક તવા અથવા પેન પર ૧ ચમચી તેલ લગાવીને ગરમ કરો.
તૈયાર કરેલી ટિક્કીઓને તવા પર મૂકી ધીમા થી મધ્યમ તાપે બંને બાજુ ગોલ્ડન બ્રાઉન અને ક્રિસ્પી થાય ત્યાં સુધી શેકી લો.
તમારી ગરમાગરમ, ટેસ્ટી અને પૌષ્ટિક હાઈ પ્રોટીન મખાના ટિક્કી તૈયાર છે! તેને લીલી ચટણી કે ફુદીનાના રાયતા સાથે સર્વ કરો.
