Issues to Examine When Shopping for Gold : ધનતેરસ અને દિવાળી પર સોનું ખરીદવું ભારતીય પરિવારોમાં લાંબા સમયથી ચાલી આવતી પરંપરા રહી છે. આ વર્ષે ધનતેરસ 6 નવેમ્બરે ઉજવવામાં આવશે. આવામાં દેશભરના લોકો સોના અને ચાંદીના દાગીના, સિક્કા અને અન્ય વસ્તુઓ ખરીદવાની તૈયારી કરી રહ્યા છે.
જોકે ઘણા ગ્રાહકો તેમની ખરીદી કરતા પહેલા ફક્ત પ્રતિ ગ્રામ સોનાના ભાવ જાણીને ખરીદી લે છે. દુકાનદાર તેમને ફાઇનલ બિલ આપે ત્યારે જ તેમને અસલી કિંમતનો ખ્યાલ આવે છે. આ બિલમાં સોનાની કિંમત ઉપરાંત અન્ય ઘણા ચાર્જ પણ જોડાયેલા હોય છે, જે તમારા બજેટમાં વધારો કરી શકે છે. તેથી જો તમે સોનું ખરીદવાનું આયોજન કરી રહ્યા છો, તો તમારે આ બાબતો ધ્યાનમાં રાખવી જોઈએ.
HUID નંબર
સોનું ખરીદતી વખતે તેમાં લાગેલ હોલમાર્કની તપાસ જરૂરી છે. હોલમાર્કમાં BIS લોગો, સોનાની શુદ્ધતા અને છ-અંકનો આલ્ફાન્યૂમેરિક HUID નંબર હોવો જોઈએ. સાથે BIS Care App પર ‘Confirm HUID’ વિકલ્પ દ્વારા આ નંબરની તપાસ પણ જરુર કરવી જોઈએ.
22-18 કેરેટ ના નામ પર છેતરાઈ ન જાઓ
22 કેરેટ સોનાની શુદ્ધતા 916 અને 18 કેરેટની શુદ્ધતા 750 હોય છે. એટલે કે તેના પર છપાયેલી ફાઇનેસની જાણકારી પણ તપાસવી જોઈએ. તમારે સોનાની શુદ્ધતા તેના રંગ અને ચમકના આધારે નક્કી ન કરવી જોઈએ.
ન્યૂ KTM 200 ડ્યૂક બાઇક લોન્ચ, જાણો કિંમત અને ફિચર્સ
મેકિંગ ચાર્જ
માત્ર સોનાની કિંમત જ નહીં મેકિંગ ચાર્જ પણ ગ્રાહકોના ખિસ્સા પર અસર કરે છે. અલગ-અલગ જ્વેલર્સ પર મેકિંગ ચાર્જ અલગ-અલગ હોઇ શકે છે. તેથી દાગીના પસંદ કર્યા પછી, ચુકવણી કરતા પહેલા તેના વિશે પૂછપરછ કરવી મહત્વપૂર્ણ છે.
પાક્કુ બિલ
સોનું ખરીદ્યા પછી પાક્કુ બિલ મેળવવું ખૂબ જ મહત્વપૂર્ણ છે. તેમાં દાગીનાનું વજન, કેરેટ, શુદ્ધતા, કિંમત, મેકિંગ ચાર્જ અને ટેક્સની વિગતો સામેલ હોવી જોઈએ.
