જીવનશૈલી | ઉનાળો | રેસીપી | જો તમે સાંજના નાસ્તામાં કંઈક નવું અને ચટાકેદાર ખાવા માંગતા હોવ, તો બેસન નાચોસ એક બેસ્ટ ઓપ્શન છે. મકાઈના લોટને બદલે ચણાના લોટ (Besan) માંથી બનેલા આ નાચોસ પ્રોટીનથી ભરપૂર અને અત્યંત ક્રિસ્પી હોય છે, જે બાળકોથી લઈને બધાને ભાવશે.
બેસન નાચોસમાં અજમો અને પેરી પેરી મસાલાનો ટ્વિસ્ટ કરીને બનાવી શકાય છે, આ ડીશ બાળકો અને મોટા દરેકના ફેવરિટ બની જશે. તમે તેને ચા સાથે અથવા દહીંના ડિપ સાથે કોમ્બિનેશન કરી શકો છો.
બેસન નાચોસ રેસીપી
સામગ્રી
1 વાટકી ચણાનો લોટ
1/2 ચમચી હળદર
1 ચમચી કાશ્મીરી લાલ મરચું પાવડર
1/2ચમચી કાળા મરી
મીઠું – સ્વાદ મુજબ
1/2 ચમચી અજમો
પાણી (જરૂર મુજબ)
રિફાઇન્ડ તેલ
1/2 ચમચી પેરી પેરી
સમર સ્પેશિયલ ખાટી મીઠી લીંબુની ચટણી રેસીપી, ભોજનનો સ્વાદ વધારશે!
બેસન નાચોસ બનાવવાની રીત
એક મોટા વાસણમાં 1 કપ બેસન લો. તેમાં હળદર, કાશ્મીરી લાલ મરચું, મરી પાવડર, મીઠું, અને અજમો ઉમેરો. અજમાને હાથથી મસળીને નાખવો જેથી સુગંધ સરસ આવે.
તેમાં 1 ચમચી તેલ ઉમેરો અને બધું બરાબર મિક્સ કરો. હવે જરૂર મુજબ થોડું-થોડું પાણી ઉમેરીને કઠણ લોટ બાંધી લો. લોટ બહુ નરમ ન થઈ જાય તેનું ધ્યાન રાખવું.
લોટને 5-10 મિનિટ સેટ થવા દો. ત્યારબાદ તેના લૂઆ બનાવી પાતળી પૂરી જેવું વણી લો. નાચોસ એકદમ ક્રિસ્પી બને તે માટે તેને શક્ય તેટલું પાતળું વણવું.
વણેલી રોટલી પર કાંટા ચમચી વડે નાના કાણાં પાડો જેથી તે તેલમાં ફૂલે નહીં. હવે તેને નાચોસ સ્ટાઈલ કાપી લો.
એક પેનમાં તેલ ગરમ કરો. તેલ મધ્યમ ગરમ થાય એટલે નાચોસને ધીમા તાપે બંને બાજુથી ગોલ્ડન બ્રાઉન અને ક્રિસ્પી થાય ત્યાં સુધી તળી લો, નાચોસ ગરમ હોય ત્યારે જ તેના પર પેરી-પેરી મસાલો છાંટો અને બરાબર મિક્સ કરી લો.
