જો તમે પણ ગાર્ડનિંગના શોખીન હોવ અને તમારી પાસે ખેતી માટે પૂરતી જમીન નથી તો ચિંતા કરવાની જરૂર નથી. તમે તમારા ઘરની અગાશી કે બાલ્કનીમાં માત્ર પ્લાસ્ટિકની ખાલી ડોલનો ઉપયોગ કરીને મોટા અને તાજા ફુલાવર ઉગાડી શકો છો. અહીં અમે તમને સ્ટેપ બાય સ્ટેપ જણાવીશું કે કેવી રીતે એક સામાન્ય પ્લાસ્ટિકની ડોલમાં 1 કિલોથી વધુ વજનનું ફુલાવર ઉગાડી શકો છો.
1. યોગ્ય ડોલની પસંદગી કરો
ફુલાવરના છોડને ફેલાવા માટે પૂરતી જગ્યાની જરૂર હોય છે. આ માટે 20 લિટરની પ્લાસ્ટિકની ડોલ (જેમ કે વોશિંગ મશીન લિક્વિડની ડોલ અથવા પેઇન્ટની ખાલી ડોલ) શ્રેષ્ઠ છે.
ડ્રેનેજ હોલ: ડોલના તળિયે 2-3 નાના કાણાં કરો જેથી વધારાનું પાણી બહાર નીકળી શકે અને મૂળ સડી ના જાય.
2. માટી કેવી રીતે તૈયાર કરવી?
ફુલાવરને પોષણયુક્ત માટીની જરૂર હોય છે. ડોલ ભરવા માટે નીચે મુજબનું મિશ્રણ તૈયાર કરો:
- સામાન્ય માટી: 50%
- વર્મી કમ્પોસ્ટ અથવા છાણિયું ખાતર: 30%
- કોકોપીટ અથવા રેતી: 20% (જેનાથી માટી પોચી રહે છે)
- થોડી માત્રામાં લીમડાનો ખોળ ઉમેરવાથી મૂળમાં જીવાત પડતી નથી.
3. બીજની વાવણી અને ટ્રાન્સપ્લાન્ટિંગ
સૌ પ્રથમ કોઈ નાની ટ્રેમાં બીજ રોપો. જ્યારે છોડ 3-4 ઇંચના થાય અને તેમાં 4-5 પાંદડા આવી જાય ત્યારે તેને સાવચેતીપૂર્વક કાઢીને ડોલની મધ્યમાં રોપો. તમને જણાવી દઈએ કે, એક ડોલમાં માત્ર એક જ છોડ રોપવો જોઈએ જેથી તેને પૂરતું પોષણ મળી શકે.
વજન ઘટાડવા અને ઈમ્યુનિટી વધારવા માટે આ રીતે બનાવો શ્રીખંડ, જાણો બાબા રામદેવની સ્પેશિયલ રેસીપી
4. સૂર્યપ્રકાશ અને પાણી
તડકો: ફુલાવરને દિવસમાં ઓછામાં ઓછા 6 થી 7 કલાકનો સીધો સૂર્યપ્રકાશ મળવો જરૂરી છે.
પાણી: માટીમાં હંમેશા ભેજ હોવો જોઈએ પરંતુ પાણી ભરાઈ રહેવું જોઈએ નહીં. સવાર અથવા સાંજનો સમય પાણી આપવા માટે શ્રેષ્ઠ છે.
5. ખાતર અને માવજત
છોડ રોપ્યાના 20-25 દિવસ પછી ફરીથી થોડું જૈવિક ખાતર આપો. જો પાંદડા પર ઈયળો કે જીવાત દેખાય, તો લીમડાના તેલ (Neem Oil) નો સ્પ્રે કરવો.
6. ‘બ્લાન્ચિંગ’ પદ્ધતિ
જ્યારે ડોલમાં ફુલાવરનું ફૂલ બેસવાનું શરૂ થાય અને તે 2-3 ઇંચનું થાય ત્યારે આજુબાજુના મોટા પાંદડાને ઉપરની તરફ લાવીને હળવેથી બાંધી દો અથવા ફૂલને પાંદડાથી ઢાંકી દો. આ પદ્ધતિને ‘બ્લાન્ચિંગ’ કહેવાય છે. તેનાથી સૂર્યના સીધા કિરણો ફુલાવર પર પડતા નથી અને તે એકદમ સફેદ અને નરમ રહે છે.
7. લણણી
સામાન્ય રીતે 70 થી 90 દિવસમાં ફુલાવર તૈયાર થઈ જાય છે. જ્યારે તે મજબૂત અને મોટું દેખાય ત્યારે નીચેથી ડાળખી કાપીને તેને લણી લો.
