સરકારે ખેડૂતોને ટેકાનો ભાવ આપીને મગફળીની ખરીદી તો કરી પરંતુ કેટલાક ખેડૂતો હજુ પણ પેમેન્ટની રાહ જોઈ રહ્યા છે. ખરીફ સિઝનમાં પાકેલી મગફળીના રૂપિયા હાલ રવિ સિઝન પાક પર છે ત્યાં સુધીમાં પણ ન મળતાં ખેડૂતોએ હાલાકી વેઠવાનો વારો આવ્યો છે. જૂનાગઢ જિલ્લામાં આવા અંદાજે 7 હજાર જેટલા ખેડૂતો છે જેઓને ટેકાના ભાવે વેચેલી મગફળીનું પમેન્ટ નથી મળ્યું. ખેડૂતોના લાખો રૂપિયા અટવાયેલા છે ત્યારે ખેડૂતો અને ખેડૂત આગેવાનોએ ચીમકી આપી છે કે ઝડપથી અને વ્યાજ સાથે રૂપિયા ચૂકવવામાં આવે. ખેતીવાડી અધિકારીએ ખાતરી આપી કે પેમેન્ટ અટકવાના જે પણ કારણો છે એ દૂર કરીને ટૂંક સમયમાં જ ખેડૂતોને નાણા ચૂકવી દેવાશે. જિલ્લા પંચાયત પ્રમુખ હરેશ ઠુંમરે પણ ઝડપથી ખેડૂતોને પેમેન્ટ મળશે એવી હૈયા ધારણા આપી છે.
Source link
