જ્યોતિષ જગતમાં ગઢડાનું ગૌરવ, સંજય ભગતને મળ્યો ‘એક્સલેન્સ’ એવોર્ડ

દેશની પ્રસિદ્ધ ભવિષ્યવક્તા અને જ્યોતિષ જગતની પ્રતિષ્ઠિત વિભૂતિ મીતા જાનીજીના માર્ગદર્શન હેઠળ સંચાલિત “મિરલ ફાઉન્ડેશન” દ્વારા વર્લ્ડ રેકોર્ડ એક્સલેન્સ (ઇંગ્લેન્ડ) કાર્યક્રમનું આયોજન કરવામાં આવ્યું હતું. આ પ્રસંગે વાર્ષિકોત્સવ સાથે દાયકાઓની સાધના, સંશોધન, અનુભવ અને દિવ્ય જ્યોતિષીય ચેતનાનો ભવ્ય ઉત્સવ માણવાનો અવસર ઉપસ્થિત મહાનુભાવોને મળ્યો હતો.

આ સંમેલન જ્યોતિષ જગત માટે એક અનોખું અને દિવ્ય મંચ સાબિત થયું હતું. જ્યાં જ્ઞાન, ભાગ્ય, પ્રતિભા અને સન્માનનો અભૂતપૂર્વ સંગમ જોવા મળ્યો હતો. પાર્ષદ સંજય ભગતને ત્રણ મહત્વના પુરસ્કારો એનાયત કરાયા હતા. જેમાં સંજય ભગતને પ્રતિષ્ઠિત જ્યોતિષ અગ્રણી તરીકે ‘એક્સલેન્સ’ એવોર્ડથી સન્માનિત કરવામાં આવ્યા હતા, જે એ સમયના ગૃહમંત્રી અને હાલના ઉપમુખ્યમંત્રી હર્ષભાઈ સંઘવીના હસ્તે આપવામાં આવ્યો હતો.