‘જેપી નડ્ડાના ઘરે કે ઓફિસમાં નહીં જઇએ, સીજેપીએ કહ્યું – સરકાર જંતર-મંતર આવે અથવા તટસ્થ સ્થળ વાત કરે

Jantar Mantar Protest Updates : કોકરોચ જનતા પાર્ટીનો વિરોધ હજુ પણ ચાલુ છે. આ દરમિયાન કેન્દ્ર સરકાર તરફથી સીજેપીને વાતચીત માટે બોલાવવામાં આવ્યા છે. કેન્દ્રીય આરોગ્ય મંત્રી જેપી નડ્ડાએ ઘણી વખત સીજેપીને કાર્યાલય અથવા નિવાસસ્થાને વાતચીત માટે આમંત્રણ આપ્યું છે. કેન્દ્રીય મંત્રી જિતેન્દ્ર સિંહે ગૃહમંત્રી અમિત શાહ સાથે મુલાકાત બાદ કહ્યું કે કેન્દ્ર સરકારે સીજેપીને ચાર વખત વાતચીત માટે બોલાવી હતી પરંતુ હજી સુધી કોઈ પ્રતિક્રિયા મળી નથી.

આ અંગે સીજેપીએ કહ્યું કે જો કેન્દ્રીય મંત્રી જિતેન્દ્ર સિંહે કહ્યું છે કે અમે ક્યાંય પણ વાતચીત કરી શકીએ છીએ તો તે જંતર-મંતર પર આવે અથવા કોઈ તટસ્થ સ્થળે વાતચીત કરવા આવે.

કોઇ તટસ્થ સ્થળે આવો – સીજેપી

કોકરોચ જનતા પાર્ટીના મુખ્ય પ્રવક્તા સૌરવ દાસે કહ્યું કે કેન્દ્રીય મંત્રી જિતેન્દ્ર સિંહે કહ્યું કે અમે ગમે ત્યાં ચર્ચા કરી શકીએ છીએ. તેથી અમે તેમને સૂચન કર્યું કે તેઓ જંતર-મંતર અથવા કોન્સ્ટિટ્યુશન ક્લબ ઓફ ઈન્ડિયા જેવા તટસ્થ સ્થળે આવે, અમે ત્યાં મળીશું. મને હજી સુધી આ અંગે તેમના તરફથી કોઈ સંદેશ મળ્યો નથી. 

તેમણે કહ્યું કે સરકારે આ નાટક રચવાનું ટાળવું જોઈએ અને અમારો સીધો સંપર્ક કરવો જોઈએ કે લાખો બાળકો, પ્રદર્શનકારીઓ અહીં તડકા અને વરસાદમાં ઉભા છે, તેઓ ઉભા જ રહેશે અને આ સંખ્યા વધશે. સરકારે અમારી સાથે વાત કરવી જોઈએ અને ચર્ચા કરવી જોઈએ કે ક્યાં મળવું, ક્યારે મળવું અને વાતચીત કેટલો સમય ચાલશે. 

#WATCH | Delhi: Saurav Das, Chief Spokesperson, Cockroach Janta Get together, says, “Union Minister Jitendra Singh mentioned that we are able to maintain talks wherever; then we’ve already made our suggestion. Come to Jantar Mantar or to a impartial venue just like the Structure Membership of India. We’ll… pic.twitter.com/US6JNf1al2

— ANI (@ANI) July 23, 2026

પીએમ મોદીના ટ્વિટ પર સીજેપીએ શું કહ્યું?

પેપર લીક થવાના કેસમાં સામેલ લોકોને સજા આપવા માટે ફાસ્ટ ટ્રેક કોર્ટની રચના અંગે પીએમ મોદીના ટ્વિટ પર સીજેપીના પ્રવક્તાએ કહ્યું કે આવી જાહેરાતનો કોઈ અર્થ નથી, આ બધું ડ્રામા છે. આ માત્ર લોકોને ગેરમાર્ગે દોરવા માટે કરવામાં આવ્યું છે. અમે જવાબદારી ઇચ્છીએ છીએ. અમે કેન્દ્રીય મંત્રી ધર્મેન્દ્ર પ્રધાનના રાજીનામાથી ઓછી કોઈ વાત કરીશું નહીં. 

ભાજપ સરકારે CJP સાથે વાત કરવા માટે જેપી નડ્ડાની કેમ પસંદગી કરી, અમિત શાહ કે રાજનાથ સિંહની કેમ નહીં?

જિતેન્દ્ર સિંહે શું કહ્યું?

કેન્દ્રીય મંત્રી જિતેન્દ્ર સિંહે કહ્યું કે સરકારે ગઈકાલે બપોરે સીજેપીની ટીમ સાથે વાતચીત માટે દરખાસ્ત મોકલી હતી. સરકાર તમારી અનુકૂળતા મુજબ કોઈપણ સમયે તમામ મુદ્દાઓ પર ચર્ચા કરવા તૈયાર છે. આ ચર્ચા જેપી નડ્ડાની ઓફિસ અથવા નિવાસસ્થાને થઈ શકે છે. અમે પ્રતિષ્ઠાને મહત્વ આપતા નથી. ચર્ચા દરમિયાન હું અને જેપી નડ્ડા હાજર રહીશું. ધીમે ધીમે ચર્ચા કરીને, આપણે તેનો ઉકેલ શોધી કાઢીશું. વિદ્યાર્થીઓના કલ્યાણ માટે સરકારના પગલાનો આ એક ભાગ છે. હું તમને નમ્રતાપૂર્વક વિનંતી કરું છું કે તમે આવો અને ચર્ચામાં ભાગ લો.