સ્કૂલ બેગ સાફ કરવાની સ્માર્ટ રીત, હઠીલા ડાઘ પણ સરળતાથી નીકળી જશે

Faculty Bag Cleansing Ideas In Gujarati : સ્કૂલનું ઉનાળું વેકેશન હવે સમાપ્ત થવાનું છે. આવી સ્થિતિમાં બાળકોની સ્કૂલ બેગ સાફ કરવાનો સમય આવી ગયો છે. દરરોજ ઉપયોગ કરવાથી સ્કૂલ બેગ ઝડપથી ગંદી થઈ જાય છે. જ્યારે બાળકો નાના હોય છે, ત્યારે તેઓ તેમના સામાનની વધુ કાળજી લઈ શકતા નથી. આવી સ્થિતિમાં ક્યારેક લંચ બોક્સના ડાઘ, ક્યારેક ધૂળ અને ગંદકી અને ક્યારેક પેનના નિશાન બેગને ગંદા કરી દે છે.

જો યોગ્ય રીતે સાફ કરવામાં આવે તો સ્કૂલ બેગને વધુ મહેનત કર્યા વિના ફરીથી નવી જેમ દેખાડી શકાય છે. અહીં હઠીલા ડાઘ સરળતાથી સાફ કરવાની કેટલીક સરળ અને સ્માર્ટ રીત આપી છે.

સ્કૂલ બેગ ખાલી કરો અને ધૂળ સાફ કરો

જો તમે સ્કૂલ બેગને ધોવા અથવા સાફ કરવાનું વિચારી રહ્યા છો, તો સૌ પ્રથમ તેની બધી ચેઇન ખોલો અને નોટબુક, પેન પેન્સિલ અને કચરો બહાર કાઢો. તે પછી, બેગને ઊંધી કરો અને હળવે હળવે ઝટકો. આમ કરવાથી મોટો મોટો કચરો બેગ માંથી બહાર નીકળી જશે. પછી અંદર જમા થયેલી ધૂળને દૂર કરવા માટે નાના બ્રશ અથવા વેક્યુમનો ઉપયોગ કરો.

સાબુ વાળા નવશેકા પાણીથી સાફ કરો

બેગ પરની ગંદકી સાફ કરવા માટે એક ટબમાં નવશેકું પાણી લો. તેમાં થોડું લિક્વિડ ડિટરજન્ટ નાંખો . તે પછી તેમાં નરમ કપડું અથવા સ્પોન્જ ડુબાડીને બેગની સપાટીને હળવેથી સાફ કરો. એક વાતનું ધ્યાન રાખો કે, બેગને વધુ ઘસવું નહીં. આમ કરવાથી બેગનો રંગ નીકળી શકે છે.

તેલ અને ભોજનના ડાઘ કેવી રીતે દૂર કરવા

જો બાળકોની સ્કૂલ બેગ પર તેલ અથવા ભોજનના ડાઘ હોય, તો તે જગ્યા પર થોડો બેકિંગ સોડા છાંટી દો. 10 મિનિટ પછી તેને હલકા ભીના કપડાથી સાફ કરી લો. આમ કરવાથી ડાઘ અને ગંધ બંને ઓછું થઈ શકે છે.

શાહી અથવા પેનના ડાઘ સાફ કરવાની સરળ રીત

જો સ્કૂલ બેગ પર શાહી, પેન, રંગના નિશાન હોય, તો સુતરાઉમાં થોડું હેન્ડ સેનિટાઇઝર અથવા સફેદ ટૂથપેસ્ટ લગાવો અને તેને ડાઘવાળા જગ્યા પર હળવા હાથે ઘસો. થોડી મિનિટો પછી ચોખ્ખા કપડા વડે લુંછીને સાફ કરો. તેનાથી પેન અને રંગના ડાઘ હળવા થઈ શકે છે.

બેગની ચેન અને સ્ટ્રેપને પણ સાફ કરો

સ્કૂલ બેગની ચેનમાં ધૂળ, ગંદકી, ખાદ્યપદાર્થો સહિત ઘણી નાની નાની ચીજો ફસાઈ જાય છે. તે સાફ કરવા માટે ચેન અને પટ્ટાને જૂના ટૂથબ્રશ વડે સાફ કરો. આમ કરવાથી બેગ ચોખ્ખી અને નવી જેવી દેખાશે.

દુર્ગંધ દૂર કરવાની સરળ રીત

થોડો બેકિંગ સોડા અથવા સૂકા લીમડાના પાનને આખી રાત બેગની અંદર મૂકો. તે ભેજ અને દુર્ગંધ દૂર કરવામાં મદદ કરી શકે છે.

બેગ વધુ સમય સુધી તડકામાં સૂકવશો નહીં

બેગ ધોયા પછી, તેને લાંબા સમય સુધી તડકામાં ન રાખો. આને કારણે ફેબ્રિક કડક અને ખરાબ થઈ શકે છે. બેગને સારી રીતે હવા ઉજાસવાળી જગ્યાએ સૂકવવું વધુ સારું માનવામાં આવે છે.