SGB 2021-22 સિરીઝ VII ના ઓનલાઈન બોન્ડ 4,715 રૂપિયા પ્રતિ ગ્રામના ભાવે જારી થયા હતા. હવે તેની પ્રીમેચ્યોર રિડેમ્પશન કિંમત 14,167 રૂપિયા પ્રતિ યુનિટ નક્કી કરવામાં આવી છે. આ પ્રકારે પ્રતિ ગ્રામ રોકાણકારોને 9,452 રૂપિયાનો ફાયદો થઈ રહ્યો છે. ટકામાં જોઈએ તો આ લગભગ 200.47% નું એબ્સોલ્યુટ રિટર્ન છે. આ ગણતરીમાં વ્યાજથી થનારી કમાણી સમાવિષ્ટ નથી. હવે આમાં જે રોકાણકારોએ આ સિરીઝના બોન્ડ ઓફલાઈન ખરીદ્યા હતા, તેમના માટે ઇશ્યુ પ્રાઈસ 4,765 રૂપિયા પ્રતિ ગ્રામ હતી. ઓનલાઈન ખરીદી પર રોકાણકારોને 50 રૂપિયા પ્રતિ ગ્રામનું ડિસ્કાઉન્ટ મળ્યું હતું.
