જીવનશૈલી | શું તમને પણ રાત્રે મનમાં ચાલતા વિચારોને કારણે ઊંઘ નથી આવતી? તો પછી એક સરળ ટિપ્સ છે જેને તમે અજમાવી શકો છો જેને ‘જ્ઞાનાત્મક શફલિંગ’ કહેવાય છે. ‘માઇક્રો-ડ્રીમિંગ’ તરીકે પણ ઓળખાય છે, આ ટેકનિક તમને તમારા વધુ પડતા વિચાર કરતા મનને શાંત કરવામાં અને ઝડપથી ઊંઘ લાવવામાં મદદ કરે છે.
જ્ઞાનાત્મક શફલિંગ શું છે?
જ્ઞાનાત્મક શફલિંગ એવી પ્રક્રિયા છે જે ઊંઘતી વખતે મગજમાં ઉદ્ભવતા કુદરતી વિચારોની નકલ કરે છે. થાણેની જ્યુપિટર હોસ્પિટલના ન્યુરોલોજીસ્ટ ડૉ. અનિરુદ્ધ મોરેએ જણાવ્યું કે “ઉદાહરણ તરીકે ‘લેમ્પ’ શબ્દ લો અને તેના દરેક અક્ષરથી શરૂ થતા અપ્રસ્તુત શબ્દો અથવા ઇમેજની કલ્પના કરો. ટ્રીક એ છે કે સ્ટોરી બનાવવાનો પ્રયાસ કર્યા વિના સંપૂર્ણપણે ઇમોશનલેસ અને અપ્રસ્તુત વસ્તુઓ વિશે વિચારવું,” આ મગજને તણાવપૂર્ણ વિચારોથી ધીમેધીમે વિચલિત કરે છે.
દવાઓ કે ઇન્જેક્શન વિના મગજ સુપર એક્ટિવ રહેશે! ન્યુરોસર્જન આ ટિપ્સ અનુસરો
ઊંઘ લાવવામાં અન્ય ટ્રિક્સથી કેવી રીતે અલગ છે?
ધ્યાન અને શ્વાસ લેવાની કસરતોથી વિપરીત, જ્ઞાનાત્મક શફલિંગ ધ્યાનને સંપૂર્ણપણે અલગ દિશામાં ફેરવે છે. તે એવા લોકો માટે ખૂબ અસરકારક છે જેમને તેમના મનને ‘સ્વિચ ઓફ’ કરવામાં મુશ્કેલી પડે છે. કારણ કે તેને કોઈ ખાસ સાધનો કે ટ્રેનિંગની જરૂર નથી, કોઈપણ તેને સરળતાથી અજમાવી શકે છે.
વૈજ્ઞાનિક પાસાં
આ ટિપ્સનો વૈજ્ઞાનિક આધાર હોવા છતાં તે ક્રોનિક અનિદ્રાનો ઈલાજ નથી. તે ફક્ત એક માત્ર ટિપ્સ છે. લાંબા ગાળાની ઊંઘની સમસ્યાઓ માટે ડૉ. મોરેએ કહ્યું કે ‘અનિદ્રા માટે જ્ઞાનાત્મક વર્તણૂકીય ઉપચાર’ (CBT-I Remedy for Insomnia) સૌથી યોગ્ય સારવાર છે.
ટૂંકમાં આ ‘નાનું સપનું’ ઊંઘ પહેલાં માનસિક ઉત્તેજના ઘટાડવામાં મદદ કરી શકે છે. જો કે આ અંગે વધુ ક્લિનિકલ અભ્યાસની જરૂર છે. જો તમારું મન ઊંઘવાનો પ્રયાસ કરતી વખતે ભટકતું હોય, તો આજે રાત્રે આ સરળ કસરત અજમાવી જુઓ.
