મસાલા રોટલી રેસીપી, આ રીત ઢાબા સ્ટાઇલ રોટલી બનાવો

Masala Roti Recipe : રોટલી ભારતીય ભોજનની મુખ્ય વાનગી છે. દરેક ભારતીયના ઘરમાં બપોર અને રાતે રોટલી ખાવામાં આવી છે. મોટાભાગના લોકો ઘઉંની રોટલી થાય છે. ઘણી વખત દરરોજ એક જ પ્રકારની રોટલી ખાવાથી મન કંટાળી જાય છે. આવી સ્થિતિમાં, લોકો કંઈક સ્વાદિષ્ટ ખાવા માટે ઘણી વખત રેસ્ટોરન્ટ તરફ વળે છે. પરંતુ તમે એક નવો સ્વાદ ઉમેરીને તમારી રોટલીને સ્વાદિષ્ટ બનાવી શકો છો. 

રોટલીને સ્વાદિષ્ટ, ચટાકેદાર અને સુગંધિત બનાવવા માટે તમે ઘઉંના લોટમાં અજમો, કલૌંજી, જીરું અને લસણ જેવી વસ્તુઓ ઉમેરી શકો છો. તમે તેને સવારે નાસ્તાથી લઈને રાત્રે રાત્રિભોજન સુધી ખાઈ શકો છો. આ રોટલી બનાવવા માટે વધારે સામગ્રીની જરૂર પડતી નથી. તે ઘરમાં હાજર કેટલાક મસાલાની મદદથી જ તૈયાર કરી શકાય છે. ચાલો જાણીએ સાદી રોટલીને વધુ સ્વાદિષ્ટ કેવી રીતે બનાવી શકાય છે.

રોટલીનો સ્વાદ બદલવા માટે સામગ્રી

• 2 કપ ઘઉંનો લોટ 
• 1/2 ચમચી અજમો
• 1/2 ચમચી કલોંજી 
• અડધી ચમચી જીરું 
• 3-4 લસણની કળી
• 2 ચમચી ઝીણી સમારેલું કોથમીર 
• સ્વાદ અનુસાર મીઠું
• જરૂર મુજબ પાણી રોટલી
• શેકવા ઘી અથવા તેલ

મસાલેદાર રોટલી બનાવવાની રીત

સૌ પ્રથમ, અજમો, કલૌંજી અને જીરુંને એક વાટકીમાં કાઢો. અજમાને હથેળી વચ્ચે મસળીને મેશ કરો, જેથી તેની સરસ સુગંધ આવે છે. તે રોટલીનો સ્વાદ વધારે છે. આ પછી, લસણની કળીને બારીક સમારો અથવા ખાંડી લો. હવે લીલી કોથમીરને સારી રીતે પાણીમાં ધોઈ લો અને ઝીણી સમારો. લીલી કોથમીરમાં વધારે પાણી ન હોવું જોઈએ.

હવે એક મોટા વાસણમાં ઘઉંનો લોટ લો. તેમા અજમો, કલૌંજી, જીરું, ઝીણું સમારેલું લસણ અને લીલી કોથમીર તેમજ મીઠું મેળવી બધી સામગ્રી સારી રીતે મિક્સ કરી લો. લોટને મસળી લો, થોડું થોડું પાણી ઉમેરીને સહેજ કડક લોટ ગૂંથો. લોટ બહુ નરમ ન રાખવો. હવે લોટને 10-15 મિનિટ સુધી ઢાંકીને રાખો. તેનાથી લોટ સરસ ફુલશે અને રોટલી વલવામાં સરળતા રહેશે.

હવે લોટના નાના લુઆ બનાવો. તેના પર સુકા લોટમાં લગાવો અને તેને ગોળાકાર આકારમાં વણી લો. રોટલી મધ્યમ જાડી રાખવી, જેથી તેમાં રહેલા મસાલા અને લસણના ટુકડા સરળતાથી રંધાઈ શકે. 

હવે ગેસ પર તવો ગરમ કરો. ગરમ તવા પર રોટલી પર એક બાજુ સહેજ બ્રાઉન ડાઘા થાય ત્યારે તેને પલટાવી દો. આવી રીતે  બીજી બાજુથી પણ શેકો. રોટલી શેકતી વખતે કે શક્યા બાદ ઉપરથી તેલ કે ઘીનો ઉપયોગ કરી શકાય છે. રોટલી શેકતી વખતે ગેસની આંચ મધ્યમ રાખો, જેથી રોટલી સરસ શેકાશે અને લસણ અને કોથમીર દાઝશે નહીં. 

આ પણ વાંચો | શિયાળાનું સ્પેશિયલ મારવાડી અથાણું રેસીપી

તમારી સ્વાદિષ્ટ અને મસાલેદાર રોટલી તૈયાર છે. આ રોટલીને સુકી ભાજી ગ્રેવીવાળી સબ્જી, દહીં, અથાણું અથવા દાળ સાથે પીરસી શકો છો. આ રીતે સાદી રોટલીને ટેસ્ટી ટ્વિસ્ટ આપીને ઢાબા જેવા ભોજનની ઘરે મજા માણી શકાય છે.