Defend Garments Coloration : ઉનાળાની ગરમી તેની સાથે ઘણા પડકારો લઈને આવે છે. આ ઋતુમાં કપડાં પર આકરો તડકો પડે છે અને થોડા દિવસોમાં જ કપડાં પોતાનો રંગ ગુમાવી શકે છે. આ માટે સૂકવતી વખતે કેટલીક બાબતોનું ધ્યાન રાખવું જરૂરી છે, જેથી નવા કપડાંને નુકસાનથી બચાવી શકાય છે.
ઉનાળાના આકરા તાપમાં કપડાંને સુકવવા પર તેનો રંગ ફીકો પડી જાય છે. ખાસ કરીને મોંઘા અને નવા કપડાંને લઈને લોકોમાં ચિંતા રહે છે કે તેને કેવી રીતે સૂકવવા. આવી સ્થિતિમાં કેટલીક સરળ રીતો તમને મદદ કરી શકે છે.
કપડાંને ઊંધા સુકવો
ઉનાળામાં જો તમે કપડાં સૂકવતા હોવ તો હંમેશા તેને ઊંધું રાખો. જ્યારે પણ તમે કપડાંને ઊંધા સુકવવા મુકો છો ત્યારે સૂર્યના સીધા કિરણો કપડાં પર પડતા નથી. આને કારણે તેનો રંગ અને ચમક યથાવત્ રહે છે. આ ટ્રિકની મદદથી ડાર્ક જીન્સ અને કોટન શર્ટને સૂકવી શકાય છે.
સૂકવવાનો સમય
કપડાંને તડકાથી બચાવવા માટે યોગ્ય સમયે સૂકવવા જરૂરી છે. તમે દિવસમાં તીવ્ર તડકાને બદલે સવારે કે સાંજે સુકવી શકો છો. અથવા રાત્રે સુકવી શકો છો. રાત્રે કપડાં સુકવવાથી ઠંડી હવામાં કોઇ નુકસાન વગર કપડાં આરામથી સૂકવી શકાય છે. સવાર સુધીમાં કપડાં સૂકાઈ જશે. આ સાથે તમારે આખો દિવસ તડકાની ચિંતા કરવાની જરૂર રહેશે નહીં.
તડકામાં સૂકવવાનું ટાળો
જો તમે ઇચ્છો છો કે કપડાંનો રંગ ફીકો ના પડો તો ધોયા પછી તેને સીધા સૂર્યપ્રકાશમાં રાખવાને બદલે છાંયડાવાળી જગ્યા પસંદ કરો. છાંયડામાં કપડાં સલામત રહેશે. જો તમારા ઘરમાં આવી જગ્યા ન હોય તો સવારે હળવા તડકો હોય ત્યારે સુકવો. જ્યારે બપોરે સૂર્ય વધારે તપવા લાગે ત્યારે કપડાં લઇ લો.
તમે ગરમીમાં આ રીતે કુંડામાં મીઠો લીમડો રોપી શકો છો, જાણો સરળ ગાર્ડનિંગ ટિપ્સ
આ રીત સિવાય જો તમે ડ્રાયરથી કપડાં સૂકવી રહ્યા હોવ તો તમે તેનો સમય ઘટાડી શકો છો. જો તમે વોશિંગ મશીનથી નવા કપડાં ધોઈ રહ્યા છો તો તેના માટે યોગ્ય વિકલ્પ પસંદ કરો. યોગ્ય કાળજી રાખવાથી કપડાંની ચમક જાળવી શકાય છે.
