હાલમાં નેશનલ સ્ટોક એક્સચેન્જ (NSE) માં આશરે 2,600 કંપનીઓ લિસ્ટેડ છે પરંતુ તેમાંથી માત્ર 176 શેરમાં જ સ્ટોક લેન્ડિંગ અને બોરોઇંગની સુવિધા ઉપલબ્ધ છે. હવે SEBI આ સંખ્યામાં મોટો વધારો કરવાનું આયોજન કરી રહ્યું છે, જેથી વધુમાં વધુ લિક્વિડ શેર આ દાયરામાં આવી શકે. આ સિવાય શેર ઉધાર લેવા માટે રોકાણકારોએ જે વધુ કોલેટરલ આપવું પડે છે, તેમાં પણ ઘટાડો થઈ શકે છે. ભારતમાં આ જરૂરિયાત કેટલાક કિસ્સાઓમાં 130% સુધીની હોય છે, જ્યારે અમેરિકા અને યુરોપ જેવા દેશોમાં તે આશરે 100% છે.
