તમે કદાચ હોટેલ કે રેસ્ટોરન્ટમાં પીરસવામાં આવતી ખીચડીનો સ્વાદ માણ્યો જ હશે પરંતુ શું તમે જાણો છો કે તમે ઘરે પણ સરળતાથી આવી જ ખીચડી બનાવી શકો છો. આ માટે રસોડામાં કલાકો વિતાવવાની જરૂર નથી. અહીં હોટેલ જેવી દાળ ખીચડી બનાવવાની રીત આપી છે.
ખીચડી માટેની સામગ્રી
- 1 કપ બાસમતી ચોખા
- અડધો કપ તુવેર દાળ
- અડધો કપ મગની દાળ
- 6 કપ પાણી
- અડધી ચમચી હળદર
- 1 લીલું મરચું
- 1 મોટી ચમચી ઘી
- થોડું ગરમ ​​પાણી
વઘાર માટેની સામગ્રી
- 2 મધ્યમ કદની ડુંગળી
- 10-12 કળી લસણ
- 2 ઇંચ આદુ
- 2 લીલાં મરચાં
- 1 મધ્યમ કદનું ટામેટું
- 2 ચમચી જીરું
- 2-3 સૂકાં લાલ મરચાં
- અડધી ચમચી હિંગ
- સ્વાદ અનુસાર મીઠું
- 1 ચમચી હળદર
- 2 ચમચી મરી પાઉડર
- 1 મોટી ચમચી ધાણાજીરું પાવડર
- એક ચપટી ગરમ મસાલો
- એક મોટી ચપટી શેકેલી કસૂરી મેથીનો પાઉડર
- 1 મોટી ચમચી લીંબુનો રસ અને મુઠ્ઠીભર તાજી કોથમીર
ખીચડી બનાવવાની રીત
સૌ પ્રથમ ચોખા, તુવેર દાળ અને મગની દાળને એકસાથે ધોઈ લો અને 15-20 મિનિટ માટે પલાળી રાખો. પલાળેલી દાળ અને ચોખાને પ્રેશર કૂકરમાં મૂકો. તેમાં પાણી, હળદર, લીલું મરચું અને ઘી ઉમેરો. ખીચડી રંધાઈ જાય એટલે ગેસ બંધ કરી દો. કૂકરનું પ્રેશર નીકળી જાય પછી તેમાં થોડું ગરમ ​​પાણી ઉમેરો અને હળવા હાથે હલાવીને તમને જોઈતી ઘટ્ટતા મેળવો.
આ પણ વાંચો: હિમાચલ પ્રદેશનું પ્રખ્યાત ‘શાહી ચણાનું શાક’, નોંધી લો ઘરે બનાવવાની સરળ રીત
ખીચડી રંધાઈ રહી હોય તે દરમિયાન ડુંગળી, લસણ, આદુ અને લીલાં મરચાંને ઝીણા સમારી લો (ચોપરનો ઉપયોગ કરી શકો છો) અને તેને એક વાટકામાં અલગ મૂકી દો. ત્યારબાદ એક કડાઈમાં થોડું ઘી ગરમ કરો. ઘી ગરમ થાય એટલે તેમાં જીરું, સૂકા લાલ મરચાં અને હિંગ ઉમેરો અને તેને તતડવા દો. હવે તેમાં સમારેલી ડુંગળી ઉમેરો અને તે સોનેરી બદામી રંગની થાય ત્યાં સુધી સાંતળો. જ્યારે ડુંગળીનો રંગ બદલાવા લાગે ત્યારે તેમાં ટામેટાં, મીઠું, હળદર, કાશ્મીરી લાલ મરચાંનો પાવડર, ધાણાજીરું પાવડર અને થોડું ગરમ ​​પાણી ઉમેરો.
આ વઘારને ખિચડીમાં ઉમેરો અને બરાબર મિક્સ કરો. છેલ્લે તેના પર શેકેલી કસૂરી મેથીનો પાવડર, લીંબુનો રસ અને તાજા કોથમીરના પાન ભભરાવો. બધું સારી રીતે મિક્સ કરી લો. તમારી સ્વાદિષ્ટ ખિચડી હવે પ્રેશર કૂકરમાં તૈયાર છે. તેને પાપડ અને અથાણાં સાથે ગરમાગરમ પીરસો.
