Vrat Recipe : નવરાત્રીના નવ દિવસ દરમિયાન લોકો ભક્તિ સાથે ઉપવાસ પણ રાખે છે. જે લોકો ઉપવાસ કરે છે તેઓ ફળ આધારિત આહાર સાથે ઉપવાસ તોડે છે. તેથી તેઓ દરરોજ કંઈક નવું અને હેલ્ધી ખાવાનું પસંદ કરે છે. નવરાત્રીના ઉપવાસ દરમિયાન ઘણા લોકોને ચાટ ખાવાની ઇચ્છાને રોકવી પડે છે. જોકે તમને તમારા ઉપવાસ દરમિયાન ચાટ ખાવાની ઇચ્છા હોય તો તમે એક ખાસ ઉપવાસ સ્પેશ્યલ ચાટ બનાવી શકો છો. અહીં અમે તમને શક્કરિયાથી ચાટ બનાવવી તે બતાવી રહ્યા છીએ. આ ચાટ ઉપવાસ દરમિયાન આસાનીથી બનાવીને ખાઇ શકો છો. સારી વાત એ છે કે તેને ડીપ-ફ્રાય કર્યા વિના તૈયાર કરી શકાય છે. એર ફ્રાયરમાં બનેલી આ ચાટ સ્વાદિષ્ટ લાગે છે. તેને બનાવવાની રીત જાણીએ.
ઉપવાસ માટે ખાસ ચાટ માટેની સામગ્રી
- 2 મધ્યમ કદના શક્કરિયા
- 150 ગ્રામ પનીર, ક્યુબ્સમાં કાપેલા
- 1 કાકડી, સમારેલી
- 1 નાની વાટકી શેકેલા મખાણા
- 1 મુઠ્ઠી શેકેલી મગફળી
- અડધો કપ દાડમના દાણા
- 3 ચમચી ઘી
- સ્વાદ પ્રમાણે સેંધાલુણ મીઠું અને કાળા મરી
લીલી ચટણી માટે
- 1 મુઠ્ઠી તાજા ધાણાના પાન
- 4 લીલા મરચા
- 2 લીંબુનો રસ
- સ્વાદ માટે સેંધાલુણ મીઠું
- જરૂર મુજબ પાણી
બનાવવાની રીત
ચાટ બનાવવા માટે શક્કરિયાને સારી રીતે ધોઈ લો અને પછી તેને છોલી લો. તેને નાના ટુકડામાં કાપીને 7 થી 8 મિનિટ માટે ઉકાળો. ઉકાળ્યા પછી શક્કરિયામાંથી પાણી કાઢી લો અને તેમાં ઘી, સેંધાલુણ મીઠું અને કાળા મરી ઉમેરો. તેને 180°C પર 20 મિનિટ માટે એર ફ્રાય કરો.
હવે પનીરને નાના ટુકડામાં કાપી લો અને તેમાં ઘી, સેંધાલુણ મીઠું અને કાળા મરી ઉમેરો. સારી રીતે મિક્સ કરો અને 180°C પર 5 થી 6 મિનિટ માટે એર ફ્રાય કરો.
તમે ક્યારેય પ્રેશર કૂકરમાં ઘી બનાવ્યું છે? આ રીતે ઝટપટ તૈયાર થઈ જશે
હવે ચટણી બનાવવા માટે લીલા ધાણા, લીલા મરચાં, લીંબુનો રસ, સેંધાલુણ મીઠું અને થોડું પાણી મિક્સ કરો. સારી રીતે મિક્સ કરો અને સ્મૂધ પેસ્ટ બનાવો.
હવે એક બાઉલમાં શક્કરિયા, પનીર, કાકડી, મખાના, મગફળી અને દાડમ ઉમેરો. તેમાં ચટણી ઉમેરો અને સારી રીતે મિક્સ કરો. આ રીતે તમારી ચાટ તૈયાર થઇ જશે. તેને તમે ઉપવાસમાં ખાઇ શકો છો.
