GSEB tenth Consequence 2026 | Gujarat Board SSC Consequence and Topper Record: ગુજરાત માધ્યમિક અને ઉચ્ચતર માધ્યમિક શિક્ષણ બોર્ડ દ્વારા ધોરણ 10 વિજ્ઞાન પ્રવાહ અને સામાન્ય પ્રવાહનું પરિણામ જાહેર કરવામાં આવ્યું છે. ત્યારે હવે ધોરણ 10ના વિદ્યાર્થીઓ પોતાના પરિણામની રાહ જોઈ રહ્યા છે. જોકે, ધોરણ 10ના વિદ્યાર્થીઓને વધારે રાહ નહીં જોવી પડે કારણ કે આવતી કાલે 6 મે 2026ના રોજ પરિણામ જાહેર થશે. બુધવારે સવારે 10 વાગ્યે ધોરણ 10નું પરિણામ જાહેર થશે. ધોરણ 10ના લાખો વિદ્યાર્થીઓની આતૂરતાનો અંત આવશે.
ધોરણ 10નું પરિણામ ક્યાં જોવા મળશે?
ધોરણ 10ના વિદ્યાર્થીઓ તેમનું પરિણામ બોર્ડની સત્તાવાર વેબસાઇટ www.gseb.org પર જઈને ઓનલાઇન જોઈ શકશે. આ માટે વિદ્યાર્થીઓએ પોતાનો બેઠક ક્રમાંક લખવાનો કરવાનો રહેશે. વિદ્યાર્થીઓ 6 મે 2026, સવારે 10 વાગ્યાથી પોતાના પરિણામ આ વેબસાઈટ ઉપર જોઈ શકશે.
ધોરણ 10નું પરિણામ જોવા માટે આ સ્ટેપ ફોલો કરો
- સ્ટેપ 1: સૌપ્રથમ સત્તાવાર વેબસાઇટ: gseb.org ની મુલાકાત લો.
- સ્ટેપ 2: હોમપેજ પર ‘SSC Consequence 2026’ લિંક પર ક્લિક કરો.
- સ્ટેપ 3: તમારો 6-અંકનો સીટ નંબર દાખલ કરો.
- સ્ટેપ 4: ‘સબમિટ’ બટન પર ક્લિક કરો.
- સ્ટેપ 5: તમારું પરિણામ સ્ક્રીન પર દેખાશે.
- સ્ટેપ 6: provisional marksheet ડાઉનલોડ કરો અથવા ભવિષ્યના સંદર્ભ માટે સ્ક્રીનશોટ સાચવી રાખો.
પરિણામમાં કઈ માહિતી ઉપલબ્ધ હશે?
વિદ્યાર્થીઓને રિઝલ્ટ પેજ પર નીચેની માહિતી જોવા મળશે:
વિષયવાર ગુણ
ગ્રેડ
એકંદર ટકાવારી
પાસ/નાપાસની સ્થિતિ
કુલ સ્કોર
ક્વોલિફાઈંગ સ્ટેટસ
WhatsApp દ્વારા તાત્કાલિક તમારૂં પરિણામો મેળવો
ગુજરાત શિક્ષણ બોર્ડ ધોરણ 10 પરિણામ 2026 ના પ્રકાશન સમયે ભારે વેબસાઇટ ટ્રાફિકને કારણે સર્વર ધીમું પડી શકે છે. આને ધ્યાનમાં રાખીને બોર્ડે WhatsApp-આધારિત પરિણામ સેવા પણ શરૂ કરી છે. વિદ્યાર્થીઓ તેમનો સીટ નંબર +91 63573 00971 પર WhatsApp કરી શકે છે. ત્યારબાદ પરિણામ સીધા જવાબ સંદેશ તરીકે પ્રાપ્ત થશે.
ગત વર્ષે ધોરણ 10 નું પરિણામ કેવું હતું?
ગુજરાત શિક્ષણ બોર્ડે 8 મે 2025, ગુરુવારના રોજ ધોરણ 10નું પરિણામ જાહેર કર્યું હતું. ગુજરાત બોર્ડનું ધોરણ 10નું 83.08 ટકા પરિણામ નોંધાયું હતું. ગુજરાત શિક્ષણ બોર્ડે જાહેર કરેલી માહિતી પ્રમાણે આ પરીક્ષામાં કૂલ 762485 નિયમિત પરીક્ષાર્થીઓ નોંધાયા હતા. જે પૈકી 746892 પરીક્ષાર્થીઓ પરીક્ષામાં હાજર રહ્યા હતા. અને 620532 પરીક્ષાર્થીઓ પ્રમાણપત્રને પાત્ર બનતા નિયમિત પરીક્ષાર્થીઓનું પરિણામ 83.08 ટકા નોંધાયું હતું.
જ્યારે રિપીટર પરીક્ષાર્થી તરીકે 82313 પરીક્ષાર્થીઓ નોંધાયા હતા. તે પૈકી 78613 પરીક્ષાર્થીઓ ઉપસ્થિત રહ્યા હતા. જેમાંથી 25357 પરીક્ષાર્થીઓ સફર થતાં તેઓનું પરિણામ 32.26 ટકા નોંધાયું છે.
કરિયર સંબંંધી આ સમાચાર પણ વાંચો
આ ઉપરાંત GSOS પરીક્ષાર્થી તરીકે નોંધાયેલ કૂલ 19925 પરીક્ષાર્થીઓ પૈકી 18553 પરીક્ષાર્થીઓ ઉપસ્થિત રહ્યા હતા. જેમાં 5043 પરીક્ષાર્થીઓ પ્રમાણપત્રને પાત્ર બનતા તેઓનું પરિણામ 27.18 ટકા નોંધાયું હતું.
