Radhika Service provider Ganpati Dance Video Viral: ગણેશોત્સવના દેશવ્યાપી ઉત્સાહ વચ્ચે ઉદ્યોગપતિ મુકેશ અંબાણીના ઘરે ભગવાન ગણેશ (બાપ્પા)નું સ્વાગત કરવામાં આવ્યું છે. વિવિધ ક્ષેત્રોની હસ્તીઓ બાપ્પાના આશીર્વાદ લેવા માટે અંબાણીના નિવાસસ્થાન ‘એન્ટિલિયા’ની મુલાકાત લઈ રહી છે અને આ મુલાકાતોના વીડિયો ઓનલાઇન સામે આવી રહ્યા છે.
આ દરમિયાન અંબાણી પરિવારની નાની પુત્રવધૂ રાધિકા અંબાણીનો એક વીડિયો વાયરલ થઈ રહ્યો છે. જેમાં તે પોતાની આગવી શૈલીમાં ‘વિઘ્નહર્તા’ના ચરણોમાં ભક્તિભાવ વ્યક્ત કરતી જોવા મળે છે. રાધિકાએ ભગવાન ગણેશના ચરણોમાં ભાવપૂર્ણ અને મંત્રમુગ્ધ કરી દે તેવું નૃત્ય રજૂ કર્યું અને અનોખી રીતે પોતાની ભક્તિ પ્રગટ કરી.
લોકોએ નૃત્ય જોઈ કર્યા વખાણ
આ નૃત્યનો વીડિયો હાલમાં સોશિયલ મીડિયા પર ખૂબ જ ટ્રેન્ડ કરી રહ્યો છે. ગણેશોત્સવની આ આધ્યાત્મિક ઉજવણી દરમિયાન રાધિકાની પ્રસ્તુતિએ ભક્તિ, પરંપરા અને સાંસ્કૃતિક વારસાનો સુંદર સમન્વય રજૂ કર્યો. ત્યાં હાજર લોકો તેમજ નેટિઝન્સ (સોશિયલ મીડિયા વપરાશકર્તાઓ) તેમના હાવભાવ અને નૃત્યની અદાથી મંત્રમુગ્ધ થઈ ગયા હતા.
#WATCH | Radhika Ambani pays tribute to Lord Ganesha via a soulful dance, fantastically capturing the essence of devotion, custom and non secular celebration.
A heartfelt expression of religion and reverence because the divine spirit of Ganesh Chaturthi comes alive. pic.twitter.com/a2EHPGl8sS
— ANI (@ANI) September 15, 2026
સોશિયલ મીડિયા પર ચર્ચા
ANI દ્વારા શેર કરવામાં આવેલા વીડિયોમાં બાપ્પા પ્રત્યે રાધિકાની અતૂટ શ્રદ્ધા અને આદર સ્પષ્ટપણે જોઈ શકાય છે. જોકે સોશિયલ મીડિયા પર આ પ્રસ્તુતિને લઈને મિશ્ર પ્રતિભાવો જોવા મળ્યા છે. કેટલાક વપરાશકર્તાઓએ તેમની ભક્તિ અને નૃત્યના વખાણ કર્યા, તો અન્ય લોકોએ અલગ-અલગ અભિપ્રાયો વ્યક્ત કર્યા. તેમ છતાં ગણેશોત્સવની આ ડિજિટલ ઉજવણી દરમિયાન રાધિકા અંબાણીની શૈલી હાલમાં ચર્ચાનો મુખ્ય વિષય બની છે.
આ પણ વાંચો: ‘મને ખબર નહોતી કે તે પરણેલા છે’, ગોવિંદા સાથેના અફેરની અફવાઓ પર નીલમ કોઠારીએ તોડ્યું મૌન
દરમિયાન મુકેશ અંબાણીના ઘરે સ્થાપિત ભગવાનના આશીર્વાદ લેવા માટે રાજકારણ, બોલિવૂડ અને ઉદ્યોગ જગતની અનેક હસ્તીઓ આવી પહોંચી હતી. મુલાકાત લેનારાઓમાં ઉદ્ધવ ઠાકરે, કરીના કપૂર, સૈફ અલી ખાન અને કરિશ્મા કપૂર જેવી જાણીતી હસ્તીઓનો સમાવેશ થાય છે.
