બાળકોને ટામેટાનો સોસ ખવડાવવાથી થઇ શકે છે નુકસાન, ડોક્ટરે આપી ચેતવણી

Tomato ketchup uncomfortable side effects : ટામેટા સોસ અથવા કેચઅપ ઘણા લોકો ખાય છે. ખાસ કરીને બાળકોને વધારે ભાવતો હોય છે.  બાળરોગ નિષ્ણાત ડો.યશ બનૈતે સોશિયલ મીડિયા પર એક વીડિયો શેર કરીને આ અંગે ચેતવણી આપી હતી. આરોગ્ય નિષ્ણાતોના જણાવ્યા અનુસાર બજારમાં ઉપલબ્ધ મોટાભાગના સોસ અથવા કેચઅપમાં ઘણા બધા પ્રિઝર્વેટિવ્સ, વધારાનું મીઠું અને હાનિકારક કેમિકલ્સ હોય છે. જે ધીરે ધીરે બાળકના સ્વાસ્થ્યને નુકસાન પહોંચાડી શકે છે. 

ડો.યશે જણાવ્યું હતું કે બજારમાં મળતા સોસ કે કેચઅપમાં ઘણા બધા પ્રિઝર્વેટિવ્સ ઉપલબ્ધ હોય છે. કારણ કે તેમની શેલ્ફ લાઇફ બે-ત્રણ વર્ષ સુધીની હોય છે. તેમાં સોડિયમનું પ્રમાણ પણ ઘણું હોય છે. તેના સેવનથી બાળકમાં બીપીનું જોખમ વધી શકે છે. તેમાં શુગરનું પ્રમાણ ઘણું વધારે હોય છે. માટે તેને ખાવાથી બચવું જોઈએ.

ઘણા બાળકો કેટલાક શાકભાજી ખાતા નથી, તેથી માતાપિતા તેમને સોસ અથવા કેચઅપ સાથે ખાવાનું આપે છે. પરંતુ તે બાળકના લાંબા ગાળાના સ્વાસ્થ્ય માટે હાનિકારક છે. આમ કરવાથી તેની તબિયત કથળશે. તમે તમારા બાળકને અનહેલ્ધી કોમ્બિનેશન આપી રહ્યા છો. જે લાંબા ગાળે તેનું સ્વાસ્થ્ય બગાડશે.

કેચઅપ વગર બાળકોને આવી રીતે ખવડાવો

જો તમારા બાળકને કેચઅપ સાથે પરાઠા કે રોટલી ખાવાની આદત હોય તો તેનાથી છુટકારો મેળવવા ધીરજથી કામ લો. શરૂઆતમાં બાળક કેચઅપ વગર વધારે રોટલી નહીં ખાય. તેથી આપણે તેની ફ્રિકવન્સી વધારવી પડશે. તેને રમતા-રમતા પ્રેમથી ખવડાવવાનો પ્રયત્ન કરો.

નાના બાળકોને મલ્ટીગ્રેન ફૂડ આપો

નાના બાળકોને મલ્ટીગ્રેન ફૂડ આપવું જોઈએ. આ માટે તમે તેને ઘરે જ તૈયાર કરી શકો છો. આ માટે તમે તમારા જુવાર, ઘઉં, બાજરી જેવા લોટને મિક્સ કરીને બાળકો માટે ખાવાનું બનાવી શકો છો.

ઘરે આવી રીતે બનાવો શુદ્ધ કેચઅપ

ઘરે કેચઅપ બનાવવા માટે ટામેટાંને સારી રીતે ધોઈને મોટા ટુકડા કરી લો. હવે તેને પ્રેશર કૂકરમાં નાખો. સાથે બીટ, એલાઇચી અને તજ પણ  ઉમેરો. આ પછી ઢાંકણ ઢાંકીને એક સીટી વાગે ત્યાં સુધી રાંધો. પ્રેશર નીકળવાની રાહ જુઓ. ત્યારબાદ ખડા મસાલા કાઢી લો. હવે ટામેટાની છાલ કાઢીને ગ્રાઇન્ડરમાં બ્લેન્ડ કરો. 

કયા દૂધમાં હોય છે સૌથી વધુ પ્રોટીન? દૂધની આ 7 વેરાયટી વિશે જાણો

પલ્પને સારી રીતે નીતારી લો. નીતારેલા પલ્પને ગેસ પર મૂકીને ઉકાળો. તેમાં ખાંડ, લાલ મરચું પાવડર, કાળા મરીનો પાવડર, આદુનો પાવડર, કાળું મીઠું અને સામાન્ય મીઠું મેળવી સારી રીતે મિક્સ કરી લો. તેને ત્યાં સુધી પકાવો જ્યાં સુધી તેનો જથ્થો અડધો ના થઇ જાય.  બીજા દિવસે તેમાં થોડું વિનેગર ઉમેરો. આ રીતે તમારો ટમેટા કેચઅપ તૈયાર થઇ જશે.

ડિસ્ક્લેમરઃ લેખમાં લખેલી સલાહ અને સૂચનો સામાન્ય માહિતી જ છે. કોઈપણ પ્રકારની સમસ્યા અથવા પ્રશ્ન માટે ડોક્ટરની સલાહ લો.