સાનિયાએ વર્લ્ડવાઇડ વેટરનરી સર્વિસ (WVS)ના ABC પ્રોગ્રામ દ્વારા પશુચિકિત્સા ટેકનિશિયનનું પ્રમાણપત્ર મેળવ્યું છે. તેણીએ સોશિયલ મીડિયા પર આ ખાસ સિદ્ધિની જાણકારી આપતાં પ્રાણીની સંભાળ રાખતી પોતાની તસવીર પણ શેર કરી હતી.
શેર કરાયેલી તસવીરમાં સાનિયા ક્લિનિકલ સેન્ટરમાં એક કૂતરાની તપાસ અને સંભાળ રાખતી જોવા મળે છે. તેની તાલીમમાં પ્રાણીઓના સ્વાસ્થ્ય અને સંભાળ સાથે જોડાયેલી મૂળભૂત તબીબી પ્રક્રિયાઓનો સમાવેશ થાય છે.
આ સિદ્ધિ સાથે સાનિયાએ ક્રિકેટની દુનિયાથી અલગ પોતાની વ્યાવસાયિક ઓળખ બનાવવાની દિશામાં મહત્વનું પગલું ભર્યું છે. તેંડુલકર પરિવાર ક્રિકેટ સાથે ગાઢ રીતે જોડાયેલો હોવા છતાં સાનિયાએ પ્રાણીઓની સંભાળને પોતાનું ક્ષેત્ર બનાવ્યું છે.
સાનિયાની આ સિદ્ધિ પર તેના ફોલોઅર્સે પણ શુભેચ્છાઓ પાઠવી હતી. અર્જુન તેંડુલકરની બહેન અને સચિન તેંડુલકરની પુત્રી સારા તેંડુલકરે પણ તેની પોસ્ટને લાઇક કરી હતી.
સાનિયાની સોશિયલ મીડિયા પોસ્ટ પરથી સ્પષ્ટ થાય છે કે પ્રાણીઓ પ્રત્યેનો તેનો પ્રેમ માત્ર શોખ પૂરતો મર્યાદિત નથી. પ્રમાણપત્ર મેળવ્યા બાદ તેણીએ આ ક્ષેત્રમાં વ્યાવસાયિક તાલીમ સાથે પોતાની નવી ઓળખ સ્થાપિત કરી છે. (PC:X/INSTAGRAM)
