Tips on how to preserve inexperienced chillies recent : લીલા મરચાં ભારતીય ભોજનનો એક આવશ્યક ભાગ છે. દાળથી લઈને શાકભાજી, ચટણી અને નાસ્તા સુધી લગભગ દરેક વાનગીમાં તેનો ઉપયોગ થાય છે. જોકે ઘણીવાર એવું જોવા મળે છે કે રેફ્રિજરેટરમાં રાખ્યા પછી પણ લીલા મરચાં થોડા દિવસોમાં કાળા થવા લાગે છે, સુકાઈ જાય છે અથવા સડી જાય છે. આનું મુખ્ય કારણ ખોટી રીતે સ્ટોર કરવાનું છે.
સૌથી પહેલા યોગ્ય રીતે સાફ કરો
બજારમાંથી લીલા મરચાં ખરીદ્યા પછી સૌથી પહેલા તેની દાંડી (સ્ટેમ)કાઢી નાખો. પછી તેમને હળદર મિશ્રિત પાણીથી ધોઈ લો. આનાથી તેના પર લાગેલી ધૂળ-માટી અને બેક્ટેરિયા દૂર થાય છે. પછી તેને ફરીથી સ્વચ્છ પાણીથી ધોઈ લો અને સારી રીતે સૂકવી લો. ધ્યાન રાખો કે મરચાં પર કોઈ ભેજ ના રહે, કારણ કે ભેજ ફૂગ અને સડોનું કારણ બની શકે છે.
મરચાંને આવી રીતે કરો સ્ટોર
જ્યારે મરચાં સંપૂર્ણપણે સુકાઈ જાય ત્યારે તેને ઝિપ-લોક બેગ અથવા એરટાઇટ કન્ટેનરમાં સ્ટોર કરો. ઘણી ગૃહિણીઓ લસણની 2-3 કળી ઉમેરવાની ભલામણ કરે છે. લસણ વધુ પડતા ભેજને કંટ્રોલ કરવામાં મદદ કરે છે, મરચાંને લાંબા સમય સુધી તાજા રાખે છે. પછી બેગ અથવા કન્ટેનરને રેફ્રિજરેટરની શાકભાજીની ટ્રેમાં મૂકો. આ રીતથી લીલા મરચાંને 2 થી 3 અઠવાડિયા કે તેથી વધુ સમય સુધી ફ્રેશ અને ક્રિસ્પી રાખી શકાય છે.
નકલી ગોળને ઓળખવાની 5 રીત, કેમિકલવાળા ગોળથી આવી રીતે બચો
લીલા મરચાંના ફાયદા
લીલા મરચાં માત્ર સ્વાદ જ ન વધારતા નથી તેમાં વિટામિન સી, ફાઇબર અને એન્ટીઑકિસડન્ટ પણ હોય છે. તેનું મર્યાદિત પ્રમાણમાં સેવન સ્વાસ્થ્ય માટે ફાયદાકારક માનવામાં આવે છે. લીલા મરચાંનો ઉપયોગ ધાણા, ફુદીનો, નારિયેળ અને મગફળીની ચટણીમાં પણ વ્યાપકપણે થાય છે.
લીલા મરચાં કેટલા તીખા હોય છે?
મરચાંની તીખાશ માપવા માટે સ્કોવિલ સ્કેલનો ઉપયોગ થાય છે. તેમાં રહેલું કેપ્સાઇસિન નામનું તત્વ તેમની તીખાશ નક્કી કરે છે. મરચાનું સ્કોવિલ હીટ યુનિટ જેટલું ઊંચું હશે તે તેટલું વધારે તીખું ગણવામાં આવશે.
