અરવિંદ કેજરીવાલ અને રવીશ કુમાર મુશ્કેલીમાં? કોર્ટની અવમાનના બદલ દિલ્હી હાઈકોર્ટમાં અરજી દાખલ

જસ્ટિસ સ્વર્ણકાન્તા મામલાને લઈ દિલ્હી હાઈકોર્ટમાં હવે એક નવી અરજી દાખલ કરવામાં આવી છે. અરજીમાં AAP કન્વીનર અરવિંદ કેજરીવાલ અને મનીષ સિસોદિયા સહિત અનેક વ્યક્તિઓ સામે કાર્યવાહી કરવાની માંગ કરવામાં આવી છે.

દાખલ કરાયેલી અરજીમાં અરવિંદ કેજરીવાલ, પત્રકાર રવિશ કુમાર અને અનેક રાજકારણીઓ સામે કોર્ટના તિરસ્કારની કાર્યવાહીની માંગ કરવામાં આવી છે. એવો આરોપ છે કે જ્યારે અરવિંદ કેજરીવાલ જસ્ટિસ સ્વર્ણકાન્તા શર્મા સમક્ષ આ કેસમાંથી પોતાને અલગ રાખવાની અરજી અંગે દલીલ કરી રહ્યા હતા ત્યારે તેમણે સોશિયલ મીડિયા પર કોર્ટની કાર્યવાહીના રેકોર્ડિંગ પ્રકાશિત કર્યા હતા.

અરજીમાં નામ આપવામાં આવેલા વ્યક્તિઓ કોણ છે?

બાર એન્ડ બેન્ચ અનુસાર, અરવિંદ કેજરીવાલ અને રવિશ કુમાર ઉપરાંત અરજીમાં કોંગ્રેસ નેતા દિગ્વિજય સિંહ, AAP નેતાઓ મનીષ સિસોદિયા, સંજય સિંહ, સંજીવ ઝા, પૂરણદીપ સાહની, જરનૈલ સિંહ, મુકેશ અહલાવત અને વિનય મિશ્રા સામે કાર્યવાહીની માંગ કરવામાં આવી છે.

ધંધૂકા હત્યા કેસમાં મોટું એક્શન, આરોપીઓના ગેરકાયદે દબાણો પર ફરી વળ્યું બુલડોઝર, જુઓ VIDEO

દિલ્હી હાઈકોર્ટ બુધવારે આ મામલાની સુનાવણી કરે તેવી શક્યતા છે. આ અરજી એડવોકેટ વૈભવ સિંહ દ્વારા દાખલ કરવામાં આવી છે. જાહેર હિતની અરજી (PIL) તરીકે દાખલ કરવામાં આવેલી અરજીમાં પ્રકાશિત થયેલા વીડિયોને દૂર કરવાની પણ માંગ કરવામાં આવી છે.

જસ્ટિસ સ્વર્ણકાન્તાના કેસમાંથી અલગ થવાની અરજી ફગાવી

અગાઉ દિલ્હી હાઈકોર્ટે અરવિંદ કેજરીવાલ અને અન્ય લોકો દ્વારા દિલ્હી દારૂ નીતિ કેસમાંથી ન્યાયાધીશ સ્વર્ણકાન્તા શર્માને અલગ રાખવાની માંગ કરતી અરજી ફગાવી દીધી હતી. સુનાવણીની અધ્યક્ષતા કરતા ન્યાયાધીશ સ્વર્ણકાન્તા શર્માએ અવલોકન કર્યું હતું કે કોર્ટ ધારણાઓ માટે એક પ્લેટફોર્મ તરીકે સેવા આપી શકતી નથી. જો કોર્ટ કોઈ નક્કર આધાર વિના આ કેસમાંથી પોતાને અલગ કરે છે તો તે એવા આરોપોને માન્યતા આપશે જેનો કોઈ આધાર નથી.

જો પૃથ્વી બચશે તો જ આપણે બચીશું… વિશ્વ પૃથ્વી દિવસ પર દરેકને આ શુભેચ્છાઓ મોકલો

તેમણે જણાવ્યું હતું કે અરજીઓમાં રજૂ કરાયેલી દલીલો અટકળો પર આધારિત છે. તેમને સ્વીકારવાથી એક ચિંતાજનક મિસાલ સ્થાપિત થશે. વધુમાં તેમણે કહ્યું, “મેં મારી સમક્ષ મૂકવામાં આવેલા તમામ મુદ્દાઓ પર નિર્ભયતાથી નિર્ણયો આપ્યા છે. આ કોર્ટ આરોપો અને ઇશારાઓના બોજથી દબાઈ શકતી નથી. જ્યારે પણ જરૂર પડશે ત્યારે કોર્ટ પોતાના માટે ઊભી રહેશે. ભલે તે ગમે તેટલું મુશ્કેલ લાગે. આ સંજોગોમાં આ કેસમાંથી મારી જાતને અલગ કરવી એ સમજદારીનું કાર્ય નહીં પરંતુ મારી ફરજોથી પીઠ ફેરવવા અને શરણાગતિ સ્વીકારવા સમાન હશે.”

તાજેતરમાં દિલ્હી હાઈકોર્ટમાં અરવિંદ કેજરીવાલે દિલ્હી દારૂ નીતિ કેસના સંદર્ભમાં જસ્ટિસ સ્વર્ણ કાંતા સામે પક્ષપાતના આરોપો લગાવ્યા હતા. આ કાર્યવાહીની એક વીડિઓ ક્લિપ ત્યારબાદ અરવિંદ કેજરીવાલ અને રવિશ કુમાર સહિત અનેક વ્યક્તિઓ દ્વારા સોશિયલ મીડિયા પર પોસ્ટ કરવામાં આવી હતી.