Final Up to date:
IND vs UAS: ICC મેન્સ ટી20 વર્લ્ડ કપ 2026માં ભારતીય ટીમે પોતાની પહેલી મેચ યુએસએ સામે રમી હતી. આ મેચમાં ભારતીય કેપ્ટન સૂર્યકુમાર યાદવે શાનદાર પ્રદર્શન કર્યું.
IND vs UAS: ICC મેન્સ ટી20 વર્લ્ડ કપ 2026માં ભારતીય ટીમે પોતાની પહેલી મેચ યુએસએ સામે રમી હતી. આ મેચમાં ભારતીય કેપ્ટન સૂર્યકુમાર યાદવે શાનદાર પ્રદર્શન કર્યું. સૂર્યકુમાર યાદવે 10 ચોગ્ગા અને ચાર છગ્ગાની મદદથી 49 બોલમાં અણનમ 84 રન બનાવ્યા. સૂર્યકુમાર યાદવે આ ઇનિંગ દરમિયાન ટી20 ઇન્ટરનેશનલમાં કેપ્ટન તરીકે 1000 રન પૂરા કર્યા છે. કેપ્ટન તરીકે સૂર્યકુમાર યાદવની ટી20 વર્લ્ડ કપમાં ડેબ્યૂ મેચ પણ હતી. સૂર્યકુમાર ટી20 વર્લ્ડ કપમાં કેપ્ટન તરીકે ડેબ્યૂ મેચમાં બીજી સૌથી મોટી ઇનિંગ રમનાર બેટ્સમેન બની ચૂક્યો છે.
સૂર્યકુમાર યાદવે બાબર આઝમ, મહેલા જયવર્ધને અને મોહમ્મદ અશરફુલ જેવા ખેલાડીઓને પાછળ છોડ્યા છે. આ મામલે સૂર્યકુમાર યાદવ માત્ર વેસ્ટઇન્ડીઝના ક્રિસ ગેલની પાછળ રહી ગયો, જેણે વર્ષ 2009માં ઓસ્ટ્રેલિયા સામે ધ ઓવલમાં 88 રન બનાવ્યા હતા.
ટી20 વર્લ્ડ કપમાં કેપ્ટન તરીકે ડેબ્યૂ ઇનિંગમાં સૌથી વધુ રન
- ક્રિસ ગેલ – 88 રન, ઓસ્ટ્રેલિયા સામે
- સૂર્યકુમાર યાદવ – 84* રન, યુએસએ સામે
- બાબર આઝમ – 68* રન, ભારત સામે
- મહેલા જયવર્ધને – 65 રન, કેનેડા સામે
- મોહમ્મદ અશરફુલ – 61 રન, વેસ્ટઇન્ડીઝ સામે
સૂર્યકુમારે પોતાની ઇનિંગ દરમિયાન ફાસ્ટ બોલર સૌરભ નેત્રવલકરની ધોલાઈ કરી હતી. નેત્રવલકરે 16મી ઓવરમાં 21 રન આપ્યા, ત્યાર બાદ છેલ્લી ઓવરમાં પણ ફાસ્ટ બોલરે એટલા જ રન લુટાવ્યા. નેત્રવલકરે 4 ઓવરમાં કુલ 65 રન લુટાવ્યા અને એકપણ વિકેટ મળી નહીં. ટી20 વર્લ્ડ કપ મેચમાં કોઈ બોલરની આ સૌથી મોંઘી બોલિંગ રહી. નેત્રવલકરે શ્રીલંકાના સનથ જયસૂર્યાનો રેકોર્ડ તોડ્યો. જયસૂર્યાએ 2007માં ટી20 વર્લ્ડ કપમાં પાકિસ્તાન સામે 64 રન ખર્ચ કર્યા હતા.
સૂર્યકુમાર યાદવની શાનદાર ઇનિંગના કારણે ભારતીય ટીમ આ મેચમાં યુએસએ સામે 9 વિકેટના નુકસાન પર 161 રન બનાવી શકી. ભારતીય ટીમની 77 રનના સ્કોરે 6 વિકેટ પડી ગઈ હતી. પરંતુ સૂર્યકુમાર યાદવે બાજી સંભાળી અને ટીમને સન્માનજનક સ્કોર પર પહોંચાડી. જવાબમાં યુએસએની ટીમ 29 રને હારી ગઈ હતી.
Feb 07, 2026 11:24 PM IST
