Final Up to date:
અમેરિકાને ટ્રેડ બઝૂકાની ધમકી આપી ચુક્યા છે. હવે ટ્રમ્પ પોતાનો પક્ષ રજૂ કરવા માટે અહીં આવ્યા છે. તેમણે પોતાની સ્પીચમાં પહેલા એ જણાવ્યું કે કેવી રીતે તેમના રાજમાં અમેરિકા ડેડ દેશમાંથી આર્થિક ચમત્કાર બની ગયું.
દાવોસ: દાવોસની બર્ફીલી વાદીઓમાં હાલમાં રાજકીય ગરમાવો જોવા મળી રહ્યો છે. અમેરિકી રાષ્ટ્રપતિ ડોનાલ્ડ ટ્રમ્પ પોતાની સત્તાના બીજા કાર્યકાળના પહેલા વર્ષના અંતમાં એક એવી ડીલ સાથે વર્લ્ડ ઇકોનોમિક ફોરમમાં પહોંચ્યા છે. યુરોપિયન દેશ પહેલાથી અહીં ટ્રમ્પ વિરુદ્ધ ગુસ્સો ઠાલવી ચૂક્યા છે. અમેરિકાને ટ્રેડ બઝૂકાની ધમકી આપી ચૂક્યા છે. હવે ટ્રમ્પ પોતાનો પક્ષ રજૂ કરવા માટે અહીં આવ્યા છે. તેમણે પોતાની સ્પીચમાં પહેલા એ જણાવ્યું કે કેવી રીતે તેમના રાજમાં અમેરિકા ડેડ દેશમાંથી આર્થિક ચમત્કાર બની ગયું.
ટ્રમ્પે ગ્રીનલેન્ડ પર વાત કરતા પહેલા તમામની પરમિશન લીધી. ટ્રમ્પનું કહેવું છે કે ગ્રીનલેન્ડ પર સ્ટેન્ડને લઈ તેમને દુનિયામાં નેગેટિવ રીતે જોવામાં આવી રહ્યા છે. તેમણે ફરી એક વાર એ જૂનો રાગ ગાવાનું શરૂ કર્યું કે ગ્રીનલેન્ડ તેમને સિક્યોરિટી માટે જોઈએ. ટ્રમ્પે ફરી એક વાર સ્પષ્ટતા આપી પણ ફરી તેઓ દાદાગીરીના મોડમાં પહોંચી ગયા.
ડોનાલ્ડ ટ્રમ્પે કહ્યું કે મને યુરોપ સાથે પ્રેમ છે, પણ તેઓ યોગ્ય દિશામાં આગળ વધતા નથી. યુરોપના અમુક ભાગ એવા છે, જે હવે ઓળખમાં પણ નથી આવતા. આપણે તેના પર ચર્ચા કરી શકીએ છીએ, પણ તેમાં ચર્ચાનો કોઈ મતલબ નથી. દુનિયા અમને ફોલો કરી બરબાદીના રસ્તેથી બચી શકે છે. મેં કેટલાય દેશોને બરબાદ થતા જોયા છે. યુરોપમાં માસ માઈગ્રેશન થઈ રહ્યું છે. હાલમાં તેઓ સમજી રહ્યા નથી કે તેના કેવા કેવા દુષ્પ્રભાવ થઈ શકે છે. યુરોપિયન યુનિયનને મારી સરકારમાંથી શીખવું જોઈએ.
તેમણે કહ્યું કે યુરોપની આવ્રજન નીતિઓ અને આર્થિક નીતિઓએ વિનાશકારી પરિણામ આપ્યા છે, જ્યારે તેનાથી ઉલટ અમેરિકામાં મોટો બદલાવ થયો છે.
ટ્રમ્પે ગ્રીનલેન્ડને લઈને કહ્યું કે આ બરફનો એક મોટો સુંદર ટુકડો છે. હું ગ્રીનલેન્ડ અને ડેનમાર્કના લોકોનું સન્માન કરું છું. અમે બીજા વિશ્વયુદ્ધ દરમિયાન ગ્રીનલેન્ડની મદદ કરી હતી. ગ્રીનલેન્ડની રક્ષા અમારા સિવાય બીજા કોઈ દેશ કરી શકશે નહીં. ખાલી અમે જ ગ્રીનલેન્ડને બચાવી શકીશું. અમે વર્લ્ડ વોર 2ના સમયે ગ્રીનલેન્ડને બચાવ્યું હતું. અમે બેવકૂફ હતા જે અમે ગ્રીનલેન્ડને પાછું આપી દીધું.
તેમણે કહ્યું કે અમે હવે બહુ મોટી મિલિટરી પાવર છીએ. અમે ગ્રીનલેન્ડ પર કબજો કરવા માટે મિલિટરીનો ઉપયોગ કરી શકીએ છીએ. અમે અમારી સુરક્ષા માટે ગ્રીનલેન્ડની જરૂર છે.
ટ્રમ્પે કહ્યું કે નાટોને અમે દાયકાઓ સુધી ફંડ આપ્યું પણ અમને બદલામાં તેનાથી ખૂબ જ ઓછું મળ્યું. નાટોની બધું ફંડ અમેરિકામાંથી થાય છે.
તેમણે કહ્યું કે તેમના રાષ્ટ્રપતિ પદના શપથ લીધા બાદથી દેશમાં મોંઘવારી સતત ઘટી રહી છે. અમેરિકામાં સ્ટોક એક્સચેન્જ અત્યાર સુધીના ઉચ્ચ સ્તર પર રહ્યું છે. મારા કાર્યાલયમાં દેશમાં રોકાણ 18 ટ્રિલિયન ડોલર રહ્યું છે. અમેરિકા દુનિયાનું ઈકોનોમિક કેપિટલ છે.
