Final Up to date:
કંપનીએ સ્પષ્ટ કર્યું છે કે, આ રકમ તેમને મળનારા નેટ રિફંડના સમાયોજન બાદની છે. મેટાની હાલની રેગુલેટરી ફાઈલિંગથી જાણવા મળે છે કે, કંપનીની વૈશ્વિક સ્તર પર કૂલ ઈનકમ ટેક્સ ચૂકવણી 7,578 મિલિયન ડોલર રહી, જેમાં ભારતનો હિસ્સો એક મહત્વપૂર્ણ યોગદાનના રૂપમાં સામે આવ્યો છે.
નવી દિલ્હીઃ સોશિયલ મીડિયા જગતની દિગ્ગજ કંપની મેટા, જે ફેસબુક, ઈન્સ્ટાગ્રામ અને વ્હોટ્સઅપ જેવા લોકપ્રિય પ્લેટફોર્મનું સંચાલન કરે છે, તેણે વર્ષ 2025માં ભારત સરકારને ભારે ભરકમ ટેક્સ ચૂકવ્યો છે. ગુરુવારે આપવામાં આવેલી જાણકારી અનુસાર, મેટાએ કૂલ 652 મિલિયન અમેરિકી ડોલર એટલે કે, લગભગ 5993 કરોડ રૂપિયા ઈનકમ ટેક્સના રૂપમાં જમા કર્યા છે. કંપનીએ સ્પષ્ટ કર્યું છે કે, આ રકમ તેમને મળનારા નેટ રિફંડના સમાયોજન બાદની છે. મેટાની હાલની રેગુલેટરી ફાઈલિંગથી જાણવા મળે છે કે, કંપનીની વૈશ્વિક સ્તર પર કૂલ ઈનકમ ટેક્સ ચૂકવણી 7,578 મિલિયન ડોલર રહી, જેમાં ભારતનો હિસ્સો એક મહત્વપૂર્ણ યોગદાનના રૂપમાં સામે આવ્યો છે.
આટલી મોટી ટેક્સ ચૂકવણી છતાય મેટાએ ભારતમાં તેના ભવિષ્યના કામકાજને લઈને કેટલાક ગંભીર પડકારો પણ શેર કર્યા છે. કંપની આ સમયે પ્રાઈવેસી પોલિસીના અપડેટ અને વિશેષ રૂપથી વ્હોટ્સએપની 2021ની સેવા શરતોને લઈને ભારતીય અદાલતો અને વિવિધ નિયામક સત્તાધારકોની તપાસ હેઠળ છે. કંપનીએ પોતાની ફાઈલિગંમાં જણાવ્યું કે, વ્હોટ્સઅપ દ્વારા મેટાની અન્ય પ્રોડક્ટ્સ અને સેવાઓની સાથે ડેટા વહેંચવાના મામલે ભારતીય સ્પર્ધા પંચના આદેશ અને સુપ્રીમ કોર્ટમા લંબિદ મુકદમા તેમના માટે ચિંતાનો વિષય છે.
ડેટા શેરિંગ અને પ્રાઈવેસી પર કાનૂની જંગ
મેટાએ ચેતવણી આપી છે કે, જો તે વિવિધ દેશો અને તેના વિવિધ ઉત્પાદનો વચ્ચે ડેટા ટ્રાન્સફર કરવામાં અસમર્થ રહેશે, તો તેની સીધી અસર તેની સેવાઓની ગુણવત્તા પર પડશે. કંપનીના મતે, ડેટા શેરિંગ પરના કોઈપણ પ્રતિબંધો જાહેરાતોને લક્ષ્ય બનાવવાની તેની ક્ષમતાને અસર કરશે, જે આખરે કંપનીના નાણાકીય પરિણામો અને આવક પર નકારાત્મક અસર કરી શકે છે. મેટાના બિઝનેસ મોડેલ મોટાભાગે વપરાશકર્તા ડેટાનું વિશ્લેષણ કરવા અને સચોટ જાહેરાત પ્રદર્શિત કરવા પર આધારિત છે, તેથી ભારત જેવા મોટા બજારમાં ડેટા નિયમોને કડક બનાવવાથી કંપની માટે નોંધપાત્ર જોખમ ઊભું થાય છે.
કડક નિયમો અને દંડનું જોખમ
આ ઉપરાંત મેટાએ જર્મની અને ભારત જેવા દેશોમાં કન્ટેન્ટ સંબંધિત કડક નિયમો અને ભારે દંડના જોખમોની પણ વાત કરી છે. કંપનીએ કહ્યું કે, કન્ટેન્ટ હટાવવા, કાયદા અમલીકરણ એજન્સીઓ સાથે સહકાર અને માહિતી શેર કરવાની શરતોનું પાલન કરવામાં નિષ્ફળતા પર ભવિષ્યમાં સરકારી કાર્યવાહી જેમ કે ભારે દંડ અથવા સેવાઓ સ્થગિત જેવી મુશ્કેલીઓનો સામનો કરવો પડી શકે છે. કુલ મળીને, જ્યાં મેટા ભારતને એક મોટા રેવન્યૂ અને ટેક્સ સ્ત્રોતના રૂપમાં જોઈ રહી છે, ત્યાં બીજી તરફ વિનિયામક અને કાનૂની મુશ્કેલીઓ તેના માટે માથાનો દુખાવો બનેલી છે.
Ahmedabad,Gujarat
Jan 30, 2026 11:39 AM IST
