Pudina Haldi Chutney recipe: શિયાળા દરમિયાન બજારમાં પુષ્કળ પ્રમાણમાં ફુદીનો મળી રહે છે. ફુદીનો સ્વાસ્થ્ય માટે ખૂબ જ ફાયદાકારક છે. કોઈપણ ભોજનનો સ્વાદ વધારવા માટે થોડી ચટણી પૂરતી છે. પીરસતાંની સાથે જ વાનગીનો સ્વાદ બદલાઈ જાય છે. સ્વાદની સાથે સાથે આ ચટણી સ્વાસ્થ્યમાં પણ વધારો કરે છે.
અહીં ફુદીના અને હળદરની ચટણી માટેની રેસીપી આપવામાં આવી છે. આ ચટણી એકદમ સરળ રીતે બની જાય છે. તમે તેને થોડીવારમાં બનાવી શકો છો અને તમારા પરિવારને પીરસી શકો છો.
ફૂદીના અને હળદરની ચટણી માટે સામગ્રી
- 1 ગુચ્છ – ફુદીનો
- 2 ચમચી – હળદર
- 3 ચમચી – ધાણાના બીજ
- 4 લીલા મરચાં
- 1 ચમચી – જીરું
- 1 ચમચી – લસણ
- 4 ચમચી – ડુંગળી
- 1 ચમચી – કાળું મીઠું
- અડધી ચમચી લીંબુનો રસ
આ પણ વાંચોઃ- શાક બનાવવાનું મન ના હોય તો ફટાફટ બનાવો લીલા લસણનું ઈન્સ્ટન્ટ અથાણું
ફૂદીના અને હળદરની ચટણી બનાવવાની રીત
- આ ચટણી બનાવવા માટે, પહેલા હળદર, ફુદીનો અને જીરુંને મીક્સર જારમાં લઈને પીસી લો.
- ત્યારબાદ તેમાં લીલા મરચાં, કાળું મીઠું, ડુંગળી, આખા ધાણા અને લસણ, અડધી ચમચી લીંબુનો રસ ઉમેરો.
- બધી સામગ્રીને સારી રીતે પીસીને ફાઈન પેસ્ટ તૈયાર કરો
- અંતમાં, સ્વાદ મુજબ થોડું સરસવનું તેલ અને મીઠું ઉમેરો.
- બધાને સારી રીતે મિક્સ કરો, અને તમારી ચટણી તૈયાર છે.
- તેને રોટલી, પરાઠા અથવા ભાત સાથે પીરસો.
