ઈન્ડો-યુએસ ડીલમાં શું સ્પષ્ટ અને શું અસ્પષ્ટ છે? :- અત્યાર સુધી જે વાતો છે, તેમાંથી સૌથી મહત્વની છે કે અમેરિકન ટેરિફ 25 ટકાથી ઘટાડીને 18 ટકા કરી દેવાયો છે. જેની પર ભારત અને અમેરિકા બંને તરફથી સંમતિ દેખાય છે. પરંતુ ટ્રમ્પે આ ઉપરાંત ઘણા દાવા પણ કર્યા છે, જેવા કે – ભારત અમેરિકન પ્રોડક્ટ્સ પરનો તેનો ટેરિફ અને નોન-ટેરિફ બેરિયર્સને શૂન્ય કરી દેશે. – ભારત અમેરિકાથી 500 અબજ ડોલરથી વધુ એનર્જી, ટેક્નોલોજી, કૃષિ અને અન્ય પ્રોડક્ટ્સ ખરીદશે. – ભારત રશિયા પાસેથી તેલ ખરીદવાનું બંધ કરશે અને અમેરિકા અને સંભવતઃ વેનેઝુએલા પાસેથી તેલ ખરીદશે.
