Bollywood Gossip : વર્ષ 2025માં દીપિકા પાદુકોણના હાથમાંથી બે ફિલ્મ નીકળી ગઇ. તેમાંથી એક સંદીપ રેડ્ડી વાંગાની ‘સ્પિરિટ’ હતી. જેના વિશે ઘણી બાબતો બહાર આવી હતી. હવે સંદીપ રેડ્ડી વાંગાના ભાઇ પ્રણય રેડ્ડી વાંગાએ દીપિકાના ફિલ્મમાંથી બહાર નીકળવાનું અસલી કારણ જાહેર કર્યું છે.
હકીકતમાં, પ્રણય રેડ્ડી વાંગા ‘સ્પિરિટ’ના નિર્માતા પણ છે. દીપિકા પાદુકોણના સ્થાને તૃપ્તિ ડિમરીને લેવાના નિર્ણય અંગે પ્રણયને પૂછવામાં આવ્યું ત્યારે એણે કહ્યું કે દીપિકા ફી, શૂટિંગના શિડ્યૂલ અને પ્રોજેક્ટની અમુક બાબતો વિશે સહમત ન હતી.
પ્રણય વાંગા રેડ્ડીએ કહ્યું કે, કારણ એ જ છે જે પહેલા કહેવામાં આવ્યું હતું. એક ફી હતી, બીજી હતો સમય. બીજાં કારણો પણ હતાં. મને હમણાં બરાબર યાદ નથી, પરંતુ ત્યાં ઘણી બાબતો હતી. આ સંદીપનો નિર્ણય હતો. ”
પ્રણયના કહેવા મુજબ સંદીપ લગભગ દોઢ વર્ષથી દીપિકા પાદુકોણના સંપર્કમાં હતો અને એને આ ફિલ્મમાં કાસ્ટ કરવા માગતો હતો. બોક્સ ઑફિસ પર દીપિકાની સફળતાને જોતાં એને પોતાની ફી અને શરતો સાથે વાટાઘાટો કરવાનો વધુ અવકાશ હતો.
દીપિકા પાદુકોણની માંગ વધી ગઈ હતી
દીપિકા પાદુકોણે ફિલ્મના નફામાં 10 ટકા હિસ્સો માંગ્યો હતો. પ્રણયના જણાવ્યા અનુસાર, આ પછી તેમની માંગમાં નોંધપાત્ર વધારો થયો હતો. તેમણે કહ્યું કે જો કોઈ કલાકાર કંઇક માંગે અને પ્રોડક્શન ટીમ તેને આપી શકે છે, તો તેઓ તેના પર વિચાર કરી શકે છે. પરંતુ ફિલ્મના બજેટ અને કમાણીની ગણતરી કરવી પણ જરૂરી છે. જ્યારે એને લાગ્યું કે બજેટ મુજબ આ ડીલ શક્ય નથી ત્યારે એણે ફિલ્મ માટે અન્ય વિકલ્પો શોધવાનું શરૂ કર્યું હતું.
દીપિકા સામે આક્ષેપ
“જલદી અમે અન્ય વિકલ્પો જોવાનું શરૂ કર્યું, તેઓએ બધું લીક કરવાનું શરૂ કર્યું. અમે તેની સાથે વાર્તા અને પાત્રની ચર્ચા કરી હતા. આંતરિક ચર્ચાઓની વિગતો બહાર ન આવવી જોઈએ, પરંતુ તેઓએ તે બધી વાતો લીક કરી દીધી. તેથી જ અમે પરેશાન છીએ. ”
આ પણ વાંચો | સોનાક્ષીના રાજકારણમાં પ્રવેશ વિશે શત્રુઘ્ન સિંહાએ શું કહ્યું?
તેમણે વધુમાં કહ્યું હતું કે, નિર્માતાઓ દીપિકા પાદુકોણને 5-6 કરોડ રૂપિયા વધુ આપવા તૈયાર છે. પરંતુ ફિલ્મનું કુલ બજેટ અને અન્ય શરતો એવી હતી કે આ મામલો આગળ વધી શક્યો નહોતો.
