spinach juice advantages : શિયાળામાં પાલક ખાવો સ્વાસ્થ્ય માટે સારો છે. તેમાં આયર્ન, કેલ્શિયમ, વિટામિન એ, સી સહિતની સારી માત્રામાં ફાઇબર હોય છે. મોટાભાગના લોકો પાલકમાંથી વિવિધ પ્રકારના શાકભાજી ખાય છે. તેના સેવનથી સ્વાસ્થ્ય પણ સારું છે. જોકે તમે પાલકનું જ્યુસ પણ પી શકો છો.
નિષ્ણાતો શું કહે છે?
સાઓલ હાર્ટ સેન્ટરના જર્નલ ફિઝિશિયન ડો.બિમલ છજ્જરના જણાવ્યા અનુસાર પાલક એક સુપરફૂડ છે, જે હાડકાં, નર્વસ સિસ્ટમ અને રોગપ્રતિકારક શક્તિ માટે ફાયદાકારક છે. પાલકમાં ફાઇબર વધારે હોય છે, જે વજનને નિયંત્રણમાં રાખે છે. તેના સેવનથી પાચન પણ સારું થાય છે.
પાલકનું જ્યુસ બનાવવા માટેની સામગ્રી
1 કપ તાજા પાલકના પાન
અડધો કપ પાણી
1 ચમચી લીંબુનો રસ
1/2 ઇંચનો આદુનો ટુકડો
આ પણ વાંચો – સવારના નાસ્તામાં આ 4 વસ્તુઓ ખાઇ લો, નબળાઇ થઇ જશે દૂર, ડોક્ટર પાસેથી જાણો ચમત્કારી ફુડ
પાલકનું જ્યુસ કેવી રીતે બનાવવું?
પાલકનું જ્યુસ બનાવવા માટે પહેલા લીલા પાલકના પાનને સારી રીતે ધોઈ લો. ત્યારબાદ પાલકના પાનને નાના ટુકડાઓમાં કાપી બ્લેન્ડરમાં મૂકો. હવે તેમાં પાણી, લીંબુનો રસ અને આદુ ઉમેરી સારી રીતે મિક્સ કરો. તેનાથી જાડું મિશ્રણ બનશે.
હવે ચાળણી વડે જ્યુસ ગાળી લો. આ પછી પાલકના રેસા અલગ થઇ જશે અને ફક્ત જ્યુસ બચશે. હવે તમે તેમાં થોડું મીઠું ઉમેરી શકો છો અને તેનું સેવન કરી શકો છો. જોકે પાલકનું જ્યુસ હંમેશા મર્યાદિત માત્રામાં લેવું જોઈએ. આ માટે તમે નિષ્ણાત ડોક્ટરની સલાહ પણ લઈ શકો છો.
(ડિસ્ક્લેમર: અહીં આવેલી વિગતો એકત્ર કરેલી માહિતીને આધારે રજૂ કરવામાં આવી છે. ઉપયોગ કરતાં પૂર્વે તબીબી સલાહ આવશ્યક છે.)
