જીવનશૈલી | મિલેટ્સ પોષક તત્વોનો ખજાનો છે! ઉદાહરણ તરીકે જુવાર ઉદાહરણ તરીકે, ડાયેટરી ફાઇબરનો ઉત્તમ સ્ત્રોત છે જે પેટની તંદુરસ્તી માટે સારું છે! તે સારો એવો પ્લાન્ટ-બેઝ્ડ પ્રોટીન આપે છે, અને કુદરતી રીતે ગ્લુટેન-ફ્રી છે. આ ઉપરાંત, તે શરીરના એકંદર સ્વાસ્થ્યને ટેકો આપતા મહત્વપૂર્ણ વિટામિન્સ અને ખનિજોથી ભરપૂર છે.
જુવારની રોટલી પાચનતંત્ર મજબૂત કરે છે અને બ્લડ શુગર તેમજ વજન નિયંત્રિત કરવામાં મદદરૂપ થાય છે. સવારના નાસ્તામાં કે રાત્રિના ભોજનમાં દહીં, ચટણી કે અથાણાં સાથે આ ગરમાગરમ રોટી પીરસવાથી સ્વાદ બમણો થઈ જાય છે.
જુવાર મસાલા રોટી રેસીપી
સામગ્રી
- 1 કપ જુવારનો લોટ
- 1 કપ પાણી
- 1/2 ચમચી વાટેલ જીરું
- 1/2 ચમચી સફેદ તલ
- સ્વાદ મુજબ મીઠું
- તેલ
- ઝીણા સમારેલ કોથમીર
- વાટેલા કાળા મરી
જુવાર મસાલા રોટી બનાવવાની રીત
એક વાસણમાં પાણી ગરમ કરવા મૂકો. તેમાં વાટેલું જીરું, સફેદ તલ, વાટેલા કાળા મરી, સ્વાદ મુજબ મીઠું અને તેલ ઉમેરીને ઉકાળો.
પાણી ઉકળે એટલે ગેસ ધીમો કરી તેમાં જુવારનો લોટ અને ઝીણી સમારેલી કોથમીર ઉમેરી ચમચી વડે બરાબર મિક્સ કરી લો.
ગેસ બંધ કરી વાસણને ઢાંકીને 5 મિનિટ માટે વરાળમાં સેટ થવા દો, જેથી જુવારનો લોટ નરમ થઈ જાય.
નાના બાળકોથી લઈ વડીલો અને પ્રેગ્નન્ટ મહિલાઓ માટે છે આ બેસ્ટ નાસ્તો, આ રીતે બનાવો રાગી સુખડી!
મિશ્રણ સહેજ નવશેકું હોય ત્યારે તેને એક મોટા વાસણમાં કાઢી લો. હાથમાં થોડું પાણી કે તેલ લગાવીને મસળી-મસળીને સ્મૂથ અને સોફ્ટ કણક બાંધી લો.
બાંધેલા લોટમાંથી મધ્યમ કદના લુવા બનાવો. કોરો જુવારનો લોટ અટામણ તરીકે લઈ હળવા હાથે પરાઠા કે રોટલી વણી લો.
પેનને બરાબર ગરમ કરી તેના પર રોટી મૂકો. બંને બાજુ હળવું તેલ કે ઘી લગાવી ગોલ્ડન ચિહ્નો પડે ત્યાં સુધી શેકી લો. ગરમાગરમ જુવાર મસાલા રોટીને દહીં, લસણની ચટણી કે અથાણાં સાથે પીરસો.
