Dwelling Decor Concepts : ચા પીવા માટે વપરાતો સિરામિક કપ ઘણીવાર અજાણતાં પડી જાય છે. જેના કારણે કપનો અમુક ભાગ તૂટી જાય છે. આ કિસ્સામાં, તેનો ઉપયોગ ફરીથી ચા પીવા માટે કરી શકાતો નથી. પરંતુ શું તમે જાણો છો કે તમે તેનો ઉપયોગ ઘરની સજાવટ કરવા માટે કરી શકો છો?
તૂટેલા કપમાંથી મીની પ્લાન્ટર બનાવી શકાય છે. જેને તમે બારી, બાલ્કની અથવા ટેબલ પર સજાવટ કરવા માટે મૂકી શકો છો. જો તમારી પાસે તૂટેલા કપ પણ છે, તો પછી નીચેની રીત અનુસરી તેમાંથી મીની પ્લાન્ટર બનાવી શકાય છે.
સ્ટેપ – 1
જો કપ સાઇડની કિનારીથી તૂટી જાય છે, તો તેને ફેંકી દેવાને બદલે ફરીથી ઉપયોગ કરી શકાય છે. સૌ પ્રથમ કપને સારી રીતે સાફ કરી લો. તેની કિનારી પર સેન્ડપેપર ઘસીને લીસ્સી બનાવો. આમ કરવાથી કપની કિનારીથી ઇજા થશે અને અને આકર્ષક દેખાશે.
સ્ટેપ 2
હવે પાણી નીકળે તેની માટે કપમાં કાણું પાડો. આ માટે તમે ડ્રિલ અથવા ગરમ ખીલીની મદદ લઈ શકો છો. કપના તળિયે એક નાનું કાણું પાડો, જેમાંથી વધારાનું પાણી નીકળી જશે. આમ કરવાથી કપમાં પાણી ભરાઈ જશે નહીં. જો કપમાં હોલ ન હોય તો, તેમાં ઓછું પાણી રેડવું.
સ્ટેપ 3
ડ્રેનેજ હોલ બનાવ્યા બાદ હવે પ્લાન્ટ માટે માટી તૈયાર કરવી પડશે. જો તમે એક કપમાં સક્યુલેંટ પ્લાન્ટ રોપી રહ્યા છો, તો પછી તેના માટે દળદળી, નરમ અને સરળતાથી પાણી વહી જાય તેવી માટીનું મિશ્રણ તૈયાર કરો. સક્યુલેંટ પ્લાન્ટમાં વધુ કોકોપીટનો ઉપયોગ કરશો નહીં કારણ કે તે ભેજ જાળવી રાખે છે, જેના કારણે છોડના મૂળ સડી શકે છે.
સ્ટેપ 4
કપમાં માટી ભર્યા બાદ હવે છોડ રોપો. તમે નર્સરીમાંથી સેક્યુલેંટ પ્લાન્ટ ખરીદી શકો છો. તે થોડી કાળજી સાથે સરળતાથી વૃદ્ધિ પામે છે. જેના કારણે તેને ડેકોરેટિવ પ્લાન્ટ તરીકે પસંદ કરવામાં આવે છે. તેને કપ પર મૂકો, માટી ભરો.
સ્ટેપ 5
છોડ રોપ્યા પછી, તે સુંદર દેખાય તે માટે માટીની ઉપર રંગબેરંગી પથ્થરો મૂકો. કપના તૂટેલા ભાગને ડિઝાઇનનો ભાગ બનાવો, જેનાથી તેને એક યુનિક લૂક મળશે. તમે તેને બારીની નજીક અથવા બાલ્કનીમાં મૂકી શકો છો, જ્યાં સીધો સૂર્યપ્રકાશ આવતો હોય.
આ રીતે તમે તૂટેલા કપને વિવિધ રીતે એક યુનિક ડિઝાઇન કરીને પ્લાન્ટર તરીકે ઉપયોગ કરી શકો છો. તેને શેલ્ફ પર અથવા ખુલ્લી જગ્યાએ રાખી શકાય છે. જો તમે ઇચ્છો તો, તમે તેમા ઇન્ડોર પ્લાન્ટ પણ રોપી શકાય છે.
આ પણ વાંચો | તિજોરીમાં કપડા લાંબો સમય ફ્રેશ અને સુગંધિત રહેશે, આ 5 દેશી ટીપ્સ અજમાવો
આટલું ધ્યાન રાખો
જો તમે તૂટેલા કપમાં સેક્યુલેંટ છોડ રોપો છો, તો તેને દરરોજ પાણી ન આપો. જ્યારે માટી સુકાઈ જાય ત્યારે જ તેમાં પાણી રેડો. સેક્યુલેન્ટ છોડ ઓછું પાણી, વધુ સૂર્યપ્રકાશ અને સારી માટી માટે સરસ રીતે ઉગે છે.
